web counter
LEXO PA REKLAMA!

SHKARKO APP

App Store
Google Play

E fundit!

x

Kolela: S'më kujtohet objektivi, ditë e bukur edhe nëse nuk do fitonim derbin

26 Dhjetor 2022, 17:35, Sport CNA

Xhovani Kolela, trajneri i Partizanit, ka folur sot para gazetarëve në aktivitetin që të kuqtë organizuan me fëmijët e “Qendrës Komunitare Multidisiplinare” në ambientet e klubit. Por përveç urimeve të rastit për festat e fundvitit, trajneri nuk ka shmangur as batutat për merkaton, ndërsa ka theksuar se nuk ka pse pret ndërhyrje në janar nga klubi për sa kohë që ekipi është i pari në klasifikim.

“Të paktën për një herë të mos flasim për futboll. Kjo është një ditë e bukur feste. Jemi të lumtur që pjesëmarrja jonë në botën e futbollit të jetë e vlefshme për dikë. Mendoj se është e rëndësishme që të gjithë, duke filluar nga këta fëmijë, të kalojnë ditë të mira më familjet e tyre. Ndaj nga ana ime dhe e stafit, ju uroj të gjithëve festa të gëzuara dhe një nisje të mirë të merkatos meqë ju pëlqen.

Për ju gazetarët e kam për merkaton, jeni ju që gëzoheni. Kur ka merkato të gjithë janë të lumtur.

Dite e bukur nga derbi? Edhe po të mos fitonim derbin, do të ishte e bukur. Kjo ditë nuk ka të bëjë aspak me futbollin, do të ishte e bukur gjithsesi.

Objektivi për 2023? Nuk më kujtohet

I uroj të gjithëve, tifozëve dhe mbështetësve, por edhe të skuadrave të tjera se duhet të jetë një fundviti i mirë për të gjithë.

A pres dhurata? Jo. Kam skuadrën në vend të parë. Atëherë çfarë duhet të ndryshoj?”, theksoi Kolela në fjalët e tij.





Lajmet e fundit nga