web counter
LEXO PA REKLAMA!

SHKARKO APP

App Store
Google Play

E fundit!

x

Milani, në kërkim të një portieri të ri

26 Dhjetor 2022, 09:07, Sport CNA

Pas kthimit nga Dubai, Mike Menja iu nënshtrua disa testeve instrumentale, të cilat treguan se procesi i shërimit të pulpës nuk ka përfunduar ende. Problemi muskulor nuk është zgjidhur ende nga francezi, i cili për këtë arsye do të ulë ritmin për disa javë të tjera.

Në pjesën e parë të sezonit, 27-vjeçari ka humbur 12 ndeshje dhe fatkeqësisht do t’i duhet të mungojë të tjera, duke përfshirë edhe Superkupën e Italisë kundër Interit të planifikuar më 18 janar.

ZGJIDHJA – Situata me portën shqetëson jo pak Piolin. Milani thuhet se ka një marrëveshje parimore me Marko Sportiellon, mbi bazën e një kontrate trevjeçare me vlerë një milion euro në sezon, por transferimi frenohet nga Atalanta që kërkon një dëmshpërblim.

Dëshira tjetër është Vikaraio i Empolit, por duke qenë një ndër emrat më të lakuar në Itali nuk do të pranonte dot lehtë rolin e rezervës së Menjasë te Milani.

Në këto kushte, pista më e përshkueshme duket Alesio Kranjo. Nën pronësi të Kaljarit ai është huazuar te Monza ku është portieri i dytë, një rol që do ta mbulonte me më shumë kënaqësi te “Djalli”.





Lajmet e fundit nga