web counter
LEXO PA REKLAMA!

SHKARKO APP

App Store
Google Play

E kërkon Partizani, Grezda vendos për të ardhmen

26 Dhjetor 2022, 12:33, Sport CNA

Eros Grezda është një nga dëshirat e Partizanit në merkato. Të kuqtë në janar kërkojnë të forcojnë repartin ofensiv, pasi vetëm para pak javësh është larguar Matej Cvetanoski dhe në sulm kërkohet më shumë cilësi dhe alternativa.

Ish-sulmuesi i Kombëtares, i cili aktualisht është pjesë e Manisës në Turqi, pritet të ndërrojë skuadër në javët në vazhdim dhe të shohë për një alternativë ku të ketë më shumë minuta dhe të ketë mundësinë për t’u “ringjallur” pas një periudhe të vështirë prej dëmtimeve.

Gjithsesi, bëhet me dije se transferimi në një skuadër të Kategorisë Superiore, do të ishte zgjedhja e fundit e tij.

Grezda pasi t’i japë dorën Manisës nga Liga e Parë turke, do të vihet në kërkim të një skuadre në liga më të forta se Shqipëria. 27-vjeçari nga Gjakova ka një CV shumë të pasur dhe do të provojë ta përdorë për të gjetur një klub më cilësor se Partizani.

Në këtë situatë, klubi i kuq nuk ka në plan ta presë Grezdën dhe po kërkon për opsione të tjera. Siç dihet, Erald Çinari është një nga pistat më të mundshme.

Ditët e fundit lojtari dhe drejtuesit kanë zhvilluar bisedime intensive, por ende nuk ka një konfirmim zyrtar në lidhje me të ardhmen e sulmuesit, i cili është golashënuesi më i mirë i dekadës te të kuqtë me 29 realizime.

Fakt është që në një situatë kur skuadra po ecën mirë, Partizani e ka marrë me nge merkaton dhe nuk kërkon të bëjë shumë lëvizje. Reparti i sulmit është ai që ka nevojë, ndërkohë që nuk priten afrime në mesfushë dhe mbrojtje.





Lajmet e fundit nga