web counter
LEXO PA REKLAMA!

SHKARKO APP

App Store
Google Play

E fundit!

x

Ankthi, tërbimi, dëshira për të pirë, e nxirrnin Rooney nga vetja: Kisha dëshirë të dëmtoja ndonjë

27 Dhjetor 2022, 19:18, Sport CNA

Të jesh një futbollist i madh nuk ka vetëm anë pozitive. Dëshmi për këtë është rrëfimi i vuajtjeve të brendshme të një kampioni si Wayne Rooney. Pak kohë më parë tekniku i DC United foli për problemet e tij personale në një intervistë për Daily Mail. E ish-sulmuesi i Anglisë ka pranuar vështirësitë e tij me menaxhimin e presionit.

Rooney, vetëm 16 vjeç, u bë një lojtar i Premier League. “Kam lindur dhe jam rritur pa komoditete në një zonë popullore në Croxteth. Nëna dhe babai im nuk kishin kurrë shumë para. Gjithmonë përjetova debate dhe grindje e pashë nënën time të shkatërronte gjëra. U katapultova, në moshën 16-vjeçare, në një dimension ndërkombëtar. Nuk isha i përgatitur. Nuk ndihesha rehat.

Të jesh futbollist ka edhe një anë tjetër të medaljes që nuk e dija. Mu desh shumë kohë të administroja ankthin dhe presionin. Vitet e para te Manchester United, ndoshta derisa patëm fëmijën tim të parë, Kai, unë me të vërtetë isha i mbyllur. Nuk dilja kurrë”.

Një presion i padurueshëm për një djalë si Wayne. “Kam krijuar kaq shumë zemërim. Presioni për të luajtur për United, për Anglinë, për të duruar invazionin e vazhdueshëm të jetës sime private.

Për të përballuar gjithçka, ndonjëherë mendoja se zgjidhja ideale ishte të mbyllesha brenda, duke pirë për dy ditë. Nuk i ndava kurrë ndjesitë dhe problemet e mia me djemtë në dhomën e zhveshjes apo edhe me Sir Alex. Edhe sepse të mos isha i qetë në mendjen time më dha atë paparashikueshmëri të mëtejshme në lojë”.

Një ankth që e bëri të bënte disa gabime. “Kam bërë shumë gabime kur isha i ri. Disa përfunduan në media dhe disa jo. Shpesh ato ishin zënka ose akte të lidhura me menaxhimin emocional. Isha gjithmonë i zemëruar.

Në atë pikë sa në një sfidë me Chelsea, që vlente Premier League, zëvendësova takat në këpucë, duke përdorur ato më të gjata për të dëmtuar dikë. Kisha disa probleme të vetëkontrollit dhe i zgjidha. Mësova se i ndjeja ato lloj momentesh që po vinin, sikur po afrohej një shpërthim.

Edhe gruaja ime është mësuar t’i ndjejë. Kur i dërgoj të gjithë në djall dhe largohem, bëj gabime të rënda”. Një dëshmi se fama, nëse nuk menaxhohet mirë, mund të jetë një faktor veçanërisht negativ…





Lajmet e fundit nga