web counter
LEXO PA REKLAMA!

SHKARKO APP

App Store
Google Play

E fundit!

x

E ardhmja e fantazistit Nedim Bajrami, një “big” si Napoli e pret në janar

12 Nëntor 2022, 14:46, Sport CNA

Nisja e këtij sezoni për Nedim Bajramin nuk ishte aspak një fillim i thjeshtë me ekipin e Empolit. Zërat e fundit të merkatos (sidomos ato të verës) e kanë prekur jo pak atë. Aq sa në ndeshjet e para trajneri Zaneti preferoi ta linte të niste nga pankina në më shumë se një rast.

Kujtojmë që ai ishte shumë pranë Fiorentinës, por në fund me ‘Violën’ nuk u bë asgjë pasi ata vendosën të merrnin rrugë të tjera. Shanset për mesfushorin e Kombëtares shqiptare padyshim nuk mbarojnë këtu pasi shumë shpejt mund të mbërrijë një ofertë e rëndësishme nga një top-klub italian që synon të fitojë “Scudetton”. Deri më tani ai është ndalur vetëm te një gol: ai i barazimit momental ndaj Milanit. Pavarësisht minutave të pakta të grumbulluara deri më tani, kërkesat për të sigurisht që nuk mungojnë.

Sipas asaj që shkruan “Calciomercato”, skuadra e interesuar për koston e kartonit të tij është Napoli. Nuk është hera e parë që napolitanët mund të bashkëpunojnë me toskanët pasi e kanë bërë edhe më parë.

Mesfushori mund të luajë pa problem në një mesfushë me tre, por edhe si mesfushor/sulmues. Një zgjidhje e dyfishtë që Spaletit mund t’i pëlqente. Kostoja e kartonit të tij për momentin është rreth 10 milionë euro, teksa pritet të shihet se çfarë do të ndodhë me lojtarin në merkaton e muajit janar.





Lajmet e fundit nga