web counter
LEXO PA REKLAMA!

SHKARKO APP

App Store
Google Play

Runi: Gjërat që Ronaldo ka bërë janë të papranueshme, duhet të ulë kokën

12 Nëntor 2022, 13:25, Sport CNA

Fillimi i sezonit 2022-'23 përkon me fillimin e një prej ferrit më të madh për Kristiano Ronaldon, i cili gradualisht po i afrohet një fundi të pashmangshëm për një shans të dytë me Mançester Junajtidin. Për paraqitjet e dobëta të portugezit ka folur në “talkSPORT” edhe një nga legjendat e “Djajve të Kuq”, Uejn Runi. 

Gjatë intervistës, ai është pyetur nëse skuadra angleze ka bërë një paraqitje më të mirë me portugezin në fushën e lojës, për të cilën Runi ka thënë: “Jo, nuk mendoj kështu”.

“Unë mendoj se gjërat që ai ka bërë që nga fillimi i sezonit nuk janë të pranueshme për Junajtidin. Unë e kam parë Roi Kin duke e mbrojtur atë. Roi nuk do ta pranonte atë fare. Ronaldo duhet të ulë kokën, të punojë dhe të jetë gati për të luajtur kur trajneri ka nevojë për të. Nëse e bën, do të jetë një pasuri. Nëse jo, do të bëhet një shpërqendrim i padëshiruar. Unë mendoj se Ten Hag ka bërë shumë mirë. Ai ka ardhur dhe i ka dhënë autoritetin e tij ekipit, po filloj të shoh një identitet në Junajtid nuk ishte parë në dy ose tri vitet e fundit. Ai është njeriu i duhur për këtë punë. Mendoj se do të duhet kohë, por është një hap i vërtetë në drejtimin e duhur për të përfunduar në top-katërshe dhe për të luajtur përsëri në Ligën e Kampioneve” komentoi ai.





Lajmet e fundit nga