web counter
LEXO PA REKLAMA!

SHKARKO APP

Dy mungesa ndaj Vllaznisë, Kolelën e mban në ankth edhe bomberi i skuadrës

10 Janar 2023, 12:56, Sport CNA

Partizani prej ditësh vazhdon përgatitjet për përballjen me Vllazninë, një takim shumë i rëndësishëm për "demat", të cilët do të kërkojnë ta nisin me këmbën e mbarë vitin 2023. Dueli me shkodranët do të zhvillohet ditën e premte në orën 16:00 në kompleksin “Partizani”.

Për këtë sfidë trajneri Kolela vazhdon të vuajë mungesën e disa lojtarëve, duke mos mundur që të ketë në dispozicion skuadrën e plotë. Matondo u është bashkuar "demave" vetëm ditën e djeshme në stërvitje, pasi ka pasur disa probleme personale dhe për shkak të kësaj vonese, nuk do të jetë gati ndaj kuqebluve.

Gjithashtu një tjetër mungesë është ajo e Da Silvës, i cili prej javësh tashmë vazhdon rikuperimin e tij dhe nuk dihet akoma se kur mund të jetë gati për teknikun italian. Sikur të mos mjaftonin vetëm kaq, por duelin me Vllazninë rrezikon ta humbasë edhe Xhuliano Skuka, pasi ditët e fundit nuk është stërvitur normalisht me pjesën tjetër të skuadrës. Në këto kushte “hallet” për Kolelën shtohen akoma më shumë përpara një dueli mjaft të vështirë.





Lajmet e fundit nga