web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Largim i papritur, lideri i Francës njofton tërheqjen nga kombëtarja

9 Janar 2023, 20:27, Sport CNA

Franca humb një nga liderët e saj në dekadën e fundit. Portieri Hugo Loris, kapiteni i “gjelave” në këto vite nën drejtimin e Didier Deshamp dhe një nga emrat kryesorë në dhomat e zhveshjeve të kësaj përfaqësueseje, ka vendosur që të mbyllë karrierën ndërkombëtare.

Ka qenë vetë portieri që ka bërë të ditur vendimin e tij me një intervistë të dhënë për “L’Equipe” ku ka shpjeguar se pse ndërmerrte këtë hap.

“Vjen një moment kur duhet të dish të kalosh stafetën. Nuk dua që të mbaj peng diçka, e kam thënë dhe e kam përsëritur që Franca nuk është e askujt dhe të gjithë kemi mënyrën që të verifikojmë se është kështu.

Unë i pari mendoj se skuadra është gati të riniset nga një emër i ri mbrapa dhe është një portier tjetër i gatshëm”, tha ai duke iu referuar me shumë mundësi Majk Menja të cilin të gjithë e shohin si titullari i ardhshëm i Francës.

Loris e ka nisur karrierën e tij në radhët e përfaqësueses së Francës në vitin 2008 dhe që atëherë ka koleksionuar 145 ndeshje me fanellën e bluve. Me Francën ai ka fituar Botërorin 2018 dhe Ligën e Kombeve 2021, ndërsa ishte finalist në Euro 2016 dhe Botërorin 2022.





Lajmet e fundit nga