web counter
LEXO PA REKLAMA!

SHKARKO APP

App Store
Google Play

E fundit!

x

Dukej se do të ishte sezoni i tij, Sadiku përfundon rezervë

23 Shkurt 2023, 14:43, Sport CNA

Armando Sadiku po përjeton një sezon me dy fytyra në Spanjë. Sulmuesi nga Cërriku e nisi mjaft mirë kampionatin, duke shënuar 7 gola. 31-vjeçari po rivalizonte Uzunin në listën e golashënuesve në La Liga 2, duke u kthyer në një pikë të rëndësishme të Kartagjenës. Në merkaton e janarit nuk munguan as ofertat për të, teksa refuzoi 2 milionë euro nga Japonia, si dhe pati interes nga Al Fateh në Arabinë Saudite.

Kur të gjithë prisnin që Sadiku të thyente rekordin e tij të 13 golave në La Liga 2, nis edhe rënia e tij. Sulmuesi shqiptar nuk po parapëlqehet më nga trajneri, teksa në katër përballjet e fundit ka qenë në stol dhe numëron në tërësi vetëm 9 minuta.

Nga golashënuesi më i mirë i ekipit, Sadiku përfundon në stolin e rezervave, pasi vendin në fushën e lojës e ka zënë Broja Vaje. Ky i fundit është një mesfushor dhe anësor i majtë, por të cilin Luis Migel Karrioni ka vendosur ta aktivizojë në majën e sulmit. Një besim të cilin Vaje ia ka shpërblyer me gola dhe paraqitje pozitive.

Ndërkohë, sulmuesi tjeter kuqezi Rei Manaj mbetet ende në një situatë të pazgjidhur. I larguar me marrëveshje nga Uotfordi, por që mbetet lojtar i klubit anglez, Manaj ende nuk ka gjetur një ekip.

Situata e tij komplikohet sepse sulmuesi është edhe i dëmtuar dhe ndeshjen e fundit e ka luajtur për disa minuta në dhjetor, kur sapo u kthye nga dëmtimi. Për më tepër, nëse një klub interesohet, duhet të presë edhe rikuperimin e tij. Në mediat italiane, sipas mediave lokale “ildot.it”, Manaj është në lupën e Kozencës, ekip që ndodhet në Serinë B dhe po luan për mbijetesë.





Lajmet e fundit nga