web counter
LEXO PA REKLAMA!

SHKARKO APP

App Store
Google Play

E fundit!

x

Dora e lirë e Safet Gjicit, ndryshim drastik te Kukësi

11 Gusht 2022, 11:23, Sport CNA
Dora e lirë e Safet Gjicit, ndryshim drastik te Kukësi
Safet Gjici

Që pas zgjedhjes si kryetar i Bashkisë së Kukësit, Safet Gjici zgjodhi të qëndronte në distancë te skuadra verilindore. Protagonizmi i presidentit të klubit të futbollit ishte sistematik. Por, prej dy vitesh ai ka preferuar të qëndrojë larg ekipit dhe polemikave. Duket një taktikë e goditur nga drejtuesit verilindorë që kanë shpenzuar dhe investuar miliona euro.

Mjafton të përmendësh aventurën e Diego Longos në krye të kuksianëve dhe kupton që tashmë gjërat kanë ndryshuar për mirë te Kukësi që në fund të ditës mbetet i Safet Gjicit. Trajneri italian nuk pati rezultatet e dëshiruara. Mirëpo ndryshe nga vitet e shkuara ai u la të punonte deri në fund të sezonit, për t’u larguar më pas drejt Italisë.

Në sezonet e kaluara ishte e padiskutueshme që një trajner të mund të punonte deri në fund me verilindorët. Duhet veçuar vetëm Ernest Gjoka, i cili arriti titullin kampion me kuksianët pa asnjë humbje në gjithë edicionin sportiv. Në këtë merkato vere, drejtimin e Kukësit e ka marrë Skënder Gega.

Drejtuesit kanë punuar në qetësi duke afruar disa futbollistë jo shumë të njohur për sportdashësit shqiptarë, por që në kampin verilindor ka nxitur optimizëm. Pritet me interes të shihet sezoni i ri sportiv te Kukësi që këtë vit do të luajë edhe në shtëpinë e re.





Lajmet e fundit nga