web counter
LEXO PA REKLAMA!

SHKARKO APP

App Store
Google Play

E fundit!

x

“Paqe” në 2 miqësoret juglindore, Skënderbeu dhe Besa nuk bindin

10 Gusht 2022, 20:32, Sport CNA

U zhvilluan në juglindje të vendit 2 duele miqësore të cilat përfunduan në barazim 1-1. Në Korçë u përball Skënderbeu i Migen Memellit me Devollin, skuadër që militon në Kategorinë e Dytë.

Bardhekuqtë nuk mundën të shkonin më shumë se barazimi në këtë duel. Një ndeshje më 2 tablo, teksa në fragmentin e parë, trajneri Memelli hodhi në fushë, lojtarët në provë dhe ata të ardhur nga ekipi i të rinjve. Fragmenti i parë u fitua nga bilishtarët, ku kapiteni Përe, shndërroi në gol penalltinë e fituar nga Demollari. Në pjesën e dytë, trajneri Memelli hodhi në fushë altilerinë e rëndë, por nuk mundi ta përmbyste sfidë. Golin e barazimit për Skënderbeun e shënoi Dean Liço me kokë.

Një tjetër duel interesant u luajt në juglindje të vendit, në stadiumin e Pogradecit u përballën vendasit e trajnerit Samuel Nika, me Besën e Kavajës.

Edhe kjo përballje nuk prodhoi fituesit. Pogradecarët, që këtë sezon do të militojnë në Kategorinë e Dytë, kaluan të parët në avantazh me anë të Berberit që shënoi me penallti, ndërkohë që për Besën barazoi mesfushori Sulovari në minutën e 50-të.

 





Lajmet e fundit nga