web counter
LEXO PA REKLAMA!

SHKARKO APP

App Store
Google Play

Reali e nis sezonin e ri me trofe, triumfon në Superkupën e Europës

10 Gusht 2022, 23:01, Sport CNA

Reali e nis sezonin e ri me trofe, triumfon në Superkupën e

Reali i Madridit triumfon 2-0 në Superkupën e Europës ndaj Eintraht Frankfurt, në sfidën e luajtur në “Helsinki Olimpic Stadium” dhe e nis sezonin e ri me një tjetër trofe, pasi mbylli të kaluarin me triumfin në kampionat e Champions.

Sfida nisi e qetë, me Realin që kontrollonte topin dhe provonte të diktojë kohën e lojës, megjithatë ishte Knauff që dha shkëndijën e parë për gjermanët, por gjeti në gatishmërinë e portierit Kurtua, që bëri një pritje të bukur.

Pak më vonë ishte reali që provoi me anë të Vinicius Junior, por këtë herë ndërhyri portieri Kevin Trap, i cili dërgoi topin në këndore. Pikërisht prej këtu erdhi edhe goli që zhbllokoi ndeshjen, pasi Kasemiro shërbeu me kokë për Alabën, i cili dërgoi topin në rrjetë.

Vetëm katër minuta më vonë, Benzema pati mundësi të dyfishojë avantazhi, pasi mori një pasim perfekt nga Kros, por goditja e bomberit francez përfundoi jashtë, shumë pak centimetra larg shtyllës pingule.

Atë që nuk bëri në pjesën e parë, francezi e realizoi në minutën e 65-të, kur shfrytëzoi një asist të Viniciusit për të shënuar golin e dytë dhe mbyllur llogaritë e ndeshjes. Vlen të theksohet se në pjesën e dytë Ancelotti aktivizoi edhe blerjet e reja si Tchouameni dhe Rydiger, ndërsa Reali konfirmoi se është gati për sezonin e ri.





Lajmet e fundit nga