web counter
LEXO PA REKLAMA!

SHKARKO APP

App Store
Google Play

E fundit!

x

Kesi mund të largohet nga Barcelona, Milani dhe Juventusi e presin

11 Gusht 2022, 09:52, Sport CNA
Kesi mund të largohet nga Barcelona, Milani dhe Juventusi e presin
Frank Kessie

Frenk Kesi mund të bëhet një lojtar i lirë nëse e dëshiron duke filluar që nga dita e shtunë. Kontrata e tij me Barcelonën ka një afat regjistrimi në La Liga dhe nëse ai nuk përmbushet, lojtari ikën si futbollist i lirë.

Një situatë e cila ka bërë që shumë klube të kthejnë përsëri sytë nga mesfushori i cili u largua nga Milani gjatë merkatos së verës, për të përfituar dhe për ta afruar në momentet e fundit. Sipas “Corriere della Sera”, Juventusi është një nga klubet që mund ta mendojë këtë alternativë dhe pret të shtunën për të mësuar fatin e lojtarit nga Bregu i Fildishtë.

Alegri kërkon përforcime në mesfushë edhe për shkak të mungesës së Pogba dhe Kesi do të ishte “qershia mbi tortë” e një merkatoje mjaft të mirë të bardhezinjve gjatë kësaj vere. Një lajm i cili sigurisht do të ndizte situatën në Serinë A ku lojtari u bë një emër shumë i njohur falë viteve të tij me fanellën e Milanit.

Pikërisht tifozët e Milanit janë ata të cilët kanë mbushur rrjetet sociale me postimet e tyre duke ëndërruar një kthim të bujshëm. Në situatë krize dhe me kohën e papërshtatshme për të nisur nga e para negociatat me një klub të ri, për Kesin ndoshta një prapakthehu do të ishte zgjidhja ideale.





Lajmet e fundit nga