web counter
LEXO PA REKLAMA!

SHKARKO APP

App Store
Google Play

E fundit!

x

“Divorc” me Dinamon, mesfushori shkon në SHBA

4 Shkurt 2023, 17:20, Sport CNA

Ersil Ymeri “divorcohet” me Dinamon. Erdhi në merkaton e verës, por kjo aventurë zgjati pak. E nisi mirë dhe për 7 ndeshje me radhë ishte jo vetëm titullar i padiskutueshëm, por edhe protagonist me tre gola. E megjithatë, një dëmtim ia prishi planet.

Prej tetorit 2022, nuk u kthye më kurrë. Mesfushori nuk figuron as në listën e federimeve për pjesën e mbetur të këtij sezoni. Pas interesimit të “Panorama Sport”, drejtuesit sqarojnë se 28-vjeçari ka vendosur të zhvendoset në Shtetet e Bashkuara të Amerikës. Bashkëpunimi mund të quhet i mbyllur, pasi ka zgjedhur të jetojë përtej oqeanit. Sipas informacioneve nga klubi, lojtari mund të luajë futboll edhe atje. Nëse do ta kalojë plotësisht dëmtimin, do të gjejë një ekip.

DËMTIMI – Koplikasi pësoi një dëmtim me Korabin (në Peshkopi), pas vetëm 18 minutash lojë. Më pas nuk u pa më në fushën e blertë me fanellën blu. Nga sa u mësua, kishte frakturë në kockat e gishtave të këmbës. Ai u shfaq në tribunën e “Selman Stërmasit” me paterica dhe pritej që të rikthehej në fillim të 2023- shit. Eksperienca e tij me skuadra edhe të Superiores, si Kukësi, Laçi dhe Kamza, pritej t’i shërbente Dinamos në vazhdim të sezonit, aq më tepër që shkodrani është shfaqur edhe si goleador, por situata mori një rrjedhë tjetër.

Mesfusha e Dinamos humb një lojtar me kualitet dhe përvojë. Tashmë trajneri Dede ka në dispozicion në këtë sektor lojtarë si Daja, Lilaj, Smaçi, Preloshi dhe Jaku. Nga grupi i lojtarëve të gjysmës së parë të sezonit, përveç Ymerit, nga blutë janë larguar edhe portieri Simoni, sulmuesi Rexhinaldo dhe mesfushori sulmues Diogo. Janë huazuar ndërkohë Samake, Shala dhe Daija.

FATJON RUPI – PANORAMASPORT.AL





Lajmet e fundit nga