web counter
LEXO PA REKLAMA!

SHKARKO APP

App Store
Google Play

E fundit!

x

Dita e së vërtetës, Shqipëria luan sot ndeshjen vendimtare ndaj Çekisë

12 Tetor 2023, 08:59, Sport CNA

Shqipëria do të luajë mbrëmjen e sotme një nga ndeshjet më të rëndësishme. Kombëtarja jonë do të përballet me Republikën Çeke në stadiumin “Air Albania” duke nisur nga ora 20:45. Një ndeshje që është e vlefshme për kualifikueset e Europianit të Gjermanisë, kompeticion që do të zhvillohet verën e ardhshme.

Një ndeshje që ka një interes të madh dhe nga tifozët, të cilët do të jenë aty për ta mbështetur Kombëtaren si gjithnjë. Pozitiviteti dhe optimizmi nuk është vetëm në shkallët e stadiumit, por edhe te lojtarët dhe stafi i ekipit kombëtar.

Përballë kemi një kundërshtar të fortë, ndoshta më të fortë se Çekia e Pragës. Një ekip fizik dhe të mirorganizuar, por ky është një shans për të mos u humbur për Kombëtaren tonë, e cila kërkon të ripërsërisë historinë e 2016-ës. Kemi akoma të freskët atë fitore ndaj Polonisë me 10 shtator. Një ndeshje që na sjell kujtime të bukura dhe na rrit shpresat se mund ta arrijmë edhe ndaj çekëve diçka të tillë.

Pavarësisht mungesave të rëndësishme si Ismajli apo Broja, duket se Sylvinho kërkon ta mbajë skuadrën të përqendruar, duke mos krijuar presion psikologjik tek ata dhe duke treguar se për gjithçka ka zgjidhje.

Një Kombëtare si kjo aktualja ndoshta nuk e kemi pasur më parë, me këtë cilësi apo kualitet. Një motiv më shumë për “shqiponjat” që të fitojnë janë dhe lojtari i 12-të padyshim, tifozët ata që e kanë mbështetur edhe në momentet më të vështira.





Lajmet e fundit nga