web counter
LEXO PA REKLAMA!

SHKARKO APP

App Store
Google Play

E fundit!

x

Dita e ndeshjes/ Shqipëria nis rrugëtimin në Ligën e Kombeve, sfidon sot Ukrainën

7 Shtator 2024, 09:55, Sport CNA

Dita e ndeshjes/ Shqipëria nis rrugëtimin në Ligën e


Kombëtarja shqiptare nis këtë të shtunë rrugëtimin në Ligën e Kombeve. Kuqezinjtë përballen me Ukrainën, në sfidën e vlefshme për grupi B1. 

Pavarësisht vështirësive që paraqet kjo ndeshje, te kombëtarja shqiptare synohet fitorja. Për këtë ishte i qartë edhe trajneri Silvinjo, i cili deklaroi se në fushë futen për 3 pikët dhe do të luftojnë fort për këtë. 

Shqipëria ëndërron kualifikimin për në një Botëror dhe Liga e Kombeve, është një nga rrugët që të çon drejt kualifikimit. 

Rezultatet e ndeshjeve në Ligën e Kombeve mund t’i sigurojnë Shqipërisë edhe një vend në Botërorin 2026.

Dymbëdhjetë skuadrat që përfundojnë në vend të parë në fazën e grupeve të kualifikueseve të Kupës së Botës e sigurojnë menjëherë vendin.

Në fazën e dytë, atë të "Play Off" do të garojnë dymbëdhjetë skuadrat e vendeve të dyta, së bashku me katër fituesit më të mirë të grupeve të Ligës së Kombeve, bazuar në renditjen e përgjithshme të këtij kompeticioni. 

Shqipërisë i duhet të dalë e para në grupin e parë të Ligës B madje të sigurojë ndeshjet me rezultate sa më të mira për të shpresuar të marrë pjesë në play off dhe më pas të tentojë Botërorin. 

Shpresat rriten edhe më shumë teksa mund të ketë skuadra të cilat në ligën e kombeve kualifikohen për në play off për një vend në Kupën e Botës por më parë ato mund ta kenë siguruar biletën për në Botëror nga vetë kualifikueset e kësaj gare.

Megjithatë para se të bëhen llogaritë, kuqezinjtë duhet t’i marrin ndeshjet një nga një, duke filluar nga ajo e para. 

Takimi me Ukrainën, është planifikuar të luhet mbrëmjen e kësaj të shtune, duke nisur nga ora 20:45, në stadiumit "Epet" në Çeki. 





Lajmet e fundit nga