web counter
LEXO PA REKLAMA!

SHKARKO APP

App Store
Google Play

E fundit!

x

Spektakli i garantuar, rekord arkëtimesh në Inter-Milan

6 Shtator 2024, 16:49, Sport CNA

Spektakli i garantuar, rekord arkëtimesh në Inter-Milan

Derbi mes Interit dhe Milanit, nuk është një ndeshje e zakonshme. Kjo përballje është e veçantë, për rivalitetin e madh mes dy ekipeve dhe tifozëve.

Interi po vazhdon rrugëtimin në Serinë A, me entuziazmin e titullit të 20-të dhe yllin e dytë të qepur në fanellë, ndërsa Milani është në revolucion të plotë teknik dhe fillimi i kampionatit ka shënuar një hendek të qartë mes dy skuadrave.

Por edhe pse tifozët e Milanit protestojnë pas dy pikëve të fituara në tri ndeshjet e para të Serisë A, të sezonit që sapo ka nisur, në të njëjtën kohë ata u përgjigjën se do të jenë të pranishëm në ndeshjen e parë të madhe të këtij viti. Gati 9 mijë biletat e përcaktuara për ‘Curva Sud’ për derbi u shitën të gjitha brenda pak orësh.

Normalitet, ndoshta, por edhe një garanci se spektakli në ‘Meazza’ do të jetë i garantuar. Derbi është derbi dhe për nëntëdhjetë minuta as kujtimi i ndeshjes së fundit me rivalët e qytetit, që përfundoi me Interin e fitoi ndeshjen dhe titullin, nuk mund të ndikojë në pasionin për ngjyrat e tyre.

Dhe kështu do të jetë, edhe në këtë ndeshje, në përpjekjen për ta ndihmuar Milanin për të dalë nga kriza e rezultateve duke filluar nga kjo ndeshje. Derbi është i rëndësishëm edhe për Fonsekën, i cili më 22 shtator do të ketë mbyllur ndeshjen me Liverpool për Champions League dhe do të ketë në dispozicion një stol me më shumë lojtarë të disponueshëm se sa tani.

Nëse tifozët e Milanit kanë garantuar praninë e tyre, ata të Interit do të mbushin plot la Scalan e futbollit italian. Sigurisht që po shkohet drejt një rekordi të ri në shitjen e biletave, nga të cilat klubi zikaltër do të përfitojë deri në 7 milionë euro.





Lajmet e fundit nga