web counter
LEXO PA REKLAMA!

SHKARKO APP

App Store
Google Play

E fundit!

x

Dejvi Bregu, alternativë për Superioren

28 Dhjetor 2023, 15:14, Sport CNA

Dejvi Bregu, alternativë për Superioren

Dejvi Bregu, pritet të ndryshojë skuadër në merkaton e janarit. Futbollisti shqiptar, me shumë mundësi do të largohet nga skuadra turke e Umraniyespor.

Zërave për largim të mundshëm në janar, u shtohet fakti se në dy takimet e fundit nuk është grumbulluar me skuadrën e Umraniyespor. Po ashtu gjatë këtij sezoni ka marrë shumë pak minuta pa vuajtur nga dëmtim dhe kontrata i skadon në fundin e sezonit.

Nuk do ishte aspak çudi nëse Bregu do kthehej në Shqipëri ku spikati me skuadra të ndryshme si Flamurtari, Luftëtari, Skënderbeun dhe Teutën. Në Turqi luajti me Boluspor para se të transferohej te skuadra aktuale e Umraniyespor në Ligën e Parë.

Dejvi Bregu u largua nga Shqipëria duke fituar titullin kampion me Teutën, duke qenë golashënues i sezonit dhe po ashtu “Lojtari i Vitit 2021”. Eksperienca në Turqi zgjati më shumë se 2 vite, ndërsa me interes pritet të shihet e ardhmja e sulmuesit vlonjat, i cili është një alternativë e mirë për klubet e Superiores.

Sigurisht që më të avantazhuara për të fituar shërbimet, mund të jenë Egnatia, Tirana, Partizani dhe Vllaznia. Skuadra këto që kanë bërë më mirë gjatë këtij sezoni.

Interesant është fakti se te Partizani, Bregu do të gjente trajner Orges Shehin. Ky i fundit në fillimin e karrierës si trajner te Skënderbeu, pati pjesë të kontingjentit pikërisht Bregun.

28-vjeçari po ashtu do të ishte zëvendësuesi i duhur për Tedi Carën, që i përfundon kontrata në fundin e sezonit dhe Partizani mund ta shesë në janar, për të mos mbetur pa gjë.





Lajmet e fundit nga