web counter
LEXO PA REKLAMA!

SHKARKO APP

App Store
Google Play

Champions League/ Plzen-Inter, Inzagi në konferencën për shtyp: E kam zgjedhur kush do të luajë në portë

12 Shtator 2022, 20:03, Sport CNA

Pas fitores 1-0 ndaj Torinos, Interi po përgatitet të përballet me Viktoria Plzen, ndeshje e vlefshme për raundin e dytë të fazës së grupeve të Champions League. Pas humbjes 0-2 në shtëpi ndaj Bajern Mynihut, zikaltërve u duhet një fitore për të ushqyer shpresat e tyre për të kaluar në raundin e 1/16-të. Më poshtë fjalët e Simone Inzagit në konferencën për shtyp në prag të Viktoria Plzen-Inter.

Balotazhi Handanovic-Onana: “Kam vendosur se kush do të jetë portieri, por për momentin nuk dua ta them. Lojtarët nuk e dinë ende këtë, sepse ne bëmë vetëm një seancë stërvitore. Ne do të kemi takimin teknik në mëngjes dhe është e drejtë që ata ta dinë më parë. Onana është një portier i shkëlqyer.

Ndeshja: “Është pa dyshim një ndeshje e rëndësishme. E dimë që kemi përfunduar në grupin më të vështirë të të gjithë Champions League dhe debutimi nuk ishte më i miri. Ne duam të luajmë për gjithçka. Me 4 ndeshje që mungojnë ende, nuk është një ndeshje vendimtare, por e dimë që duhen 10 pikë për të kaluar grupin. Duhet të bëjmë pikat e para për të lëvizur klasifikimin”.

Viktoria Plzen: “Është një ekip i fortë fizikisht. Ata mbështeten shumë te sulmuesi fizik. Nuk mundëm të punonim shumë në stërvitje por e përgatitëm mirë ndeshjen duke analizuar videot”.





Lajmet e fundit nga