web counter
LEXO PA REKLAMA!

SHKARKO APP

App Store
Google Play

Bylis-Partizani, Skënder Gega: Pa presion, luajmë në territorin shqiptar

18 Prill 2025, 16:33, Sport CNA

Bylis-Partizani, Skënder Gega: Pa presion, luajmë në territorin

Trajneri i Partizanit, Skënder Gega, deklaroi se skuadra e tij nuk ka presion për sfidën me Bylisin.

Një hap fals mund të ndërlikojë situatën për vendin e katërt dhe tekniku i kryeqytetasve kërkon maksimumin nga lojtarët e tij.

“Vijmë pas një ndeshje të fortë, siç ishte ajo ndaj Egnatias, ndeshje me ngarkesë nga të gjitha aspektet. Për fat e kaluam me sukses, por kishte edhe dëmet e veta. Keko plotësoi 4 kartonë të verdhë, Zeka pësoi një dëmtim, po ashtu edhe Domgjoni. Shpresojmë që Domgjoni të rikuperohet sa më shpejt. Në këtë aspekt ndoshta jemi të detyruar të bëjmë edhe ndonjë ndryshim, ndërsa pjesa tjetër ka punuar gjithë javën shkëlqyeshëm dhe duket që janë të motivuar për të shkuar dhe realizuar atë që ne kërkojmë.

Jemi të fokusuar vetëm te ndeshja në Ballsh. Unë jam vetëm 4 javë këtu. Patjetër që rotacioni do të ishte shumë i mirë nëse do ishin mundësitë dhe të kishim komoditetin qoftë në numër lojtarësh, por edhe me pikë. Po mundohem për momentin të vendos njerëzit e duhur dhe të japin atë që unë pres. Nuk është se merrem vetëm me frymën apo moralin. E rëndësishme është të japin 100%. Nëse japin 100%  edhe kanë kuptuar çdo gjë që ne punojmë gjatë javës gjërat shkojnë mirë.

Unë si trajner, por ndoshta edhe si tip nuk jam natyrë që shtoj presion te lojtarët. Pikët janë gjithmonë të pashmangshme. Të japin maksimumin, të jenë të qetë. Luajmë brenda territorit shqiptar, luajmë në një qytet që është pak më larg. Nëse je i përgatitur dhe je fizikisht mirë nuk ka asgjë për të pasur dyshime. Nuk kemi presion, por e vlerësojmë jashtëzakonisht këtë ndeshje”, deklaroi Gega.

Ndeshja Partizani-Elbasani është planifikuar për të Shtunën, duke nisur nga ora 15:30.





Lajmet e fundit nga