web counter
LEXO PA REKLAMA!

SHKARKO APP

App Store
Google Play

E fundit!

x

Kategoria e Parë, mësoni ndeshjet e javës së fundit

18 Prill 2025, 15:16, Sport CNA

Kategoria e Parë, mësoni ndeshjet e javës së fundit

Java përmbyllëse e Kategorisë së Parë do të zhvillohet të dielën, ku të gjashta ndeshjet do të luhen njëkohësisht në orën 15:00.

Skuadra e Vorës e ka siguruar tashmë ngjitjen në “Abissnet Superiore” për sezonin e ardhshëm, ndërkohë që kjo javë do të jetë vendimtare për përcaktimin e ekipit të dytë që do të ngjitet automatikisht në elitë, si edhe për katër skuadrat që do të marrin pjesë në fazën "play-off".

Flamurtari, që aktualisht renditet në vendin e dytë me 72 pikë, do të luajë në transfertë ndaj Vorës kampione. Një fitore ndaj Vorës do t’u siguronte vlonjatëve kalimin automatik në Superiore për edicionin e ardhshëm. Sakaq, edhe Besa e Kavajës luan një sfidë shumë të rëndësishme të dielën kundër Valbonës. Kavajasit renditen të tretët me 71 pikë në kampionat, një më pak se Flamurtari. Për Besën, vetëm tri pikët mbajnë shpresat gjallë për ngjitje direkte, në pritje të një hapi fals nga Flamurtari.

Ndërkohë, takimi mes Apolonisë dhe Lushnjës do të përcaktojë skuadrën e katërt që do të ketë të drejtën të luajë ndeshjen e “play-out”-it kundër vendit të tetë të Superiore, për të siguruar një vend në elitë për sezonin e ardhshëm.

Sakaq, në takimet e tjera të javës Erzeni do të përballet me Kastriotin, Kukësi do të luajë ndaj Burrelit ndërsa Korabi do të presë në shtëpi ekipin e Pogradecit.

Java e 33-të e kampionatit “Kategoria e Parë”

Apolonia – Lushnja, 20.04.2025     15:00

Erzeni – Kastrioti, 20.04.2025         15:00

Vora – Flamurtari, 20.04.2025         15:00

Kukësi – Burreli, 20.04.2025           15:00

Korabi – Pogradeci, 20.04.2025       15:00

Valbona – Besa, 20.04.2025              15:00





Lajmet e fundit nga