web counter
LEXO PA REKLAMA!

SHKARKO APP

App Store
Google Play

E fundit!

x

“Buzëqesh” Tirana, ja shuma që do të përfitojnë bardheblutë nëse fitojnë titullin

21 Prill 2023, 14:21, Sport CNA

Me Tiranën kampione, te bardheblutë nuk vjen vetëm trofeu. Klubi bardheblu do të arkëtojë minimalisht mbi 1 miliard lekë vetëm nëse Tirana merr pjesë në kualifikueset e Champions League dhe turin e dytë të Conference League e më pas kthehet në shtëpi.

Në bazë të llogaritjeve, bardheblutë vetëm me trofeun grumbullojnë 200 mijë euro për çdo raund kualifikues të luajtur. Sipas skemës, nëse Tirana luan në turin e parë kualifikues të Champions-it, merr 100 mijë euro për një tur.

Nëse eliminohet nga Champions-i, skuadra kalon në turin e dytë të Conference League dhe vetëm për aktivizimin merr 100 mijë euro.

Nëse eliminohet edhe nga turi i dytë i Conference League dhe kthehet në shtëpi, veç 200 mijë eurove, Tirana merr 350 mijë euro si bonus për eliminimin në raundin e dytë kualifikues.

Në total nga ndeshjet, Tirana ka të sigurta 510 mijë euro. Kësaj shume i shtohen edhe 260 mijë euro, të cilat merr nga UEFA çdo skuadër kampione, e cila shkon në Europë.

Në total, vetëm me eliminim, Tirana grumbullon 810 mijë euro ose me kursin e djeshëm të euros 900 milionë lekë. Kësaj shume i shtohet edhe 100-milionëshi i FSHF-së.

Në total, Tirana grumbullon nga titulli 1 miliard lekë të vjetër. Një arritje e madhe financiare. Shto këtu edhe 150 milionëshi i bashkisë, shuma rrumbullakoset në një milion euro.

Nëse Tirana kalon një tur në Champions apo në Conference League, shuma shkon mbi milionë euro. Nëse Tirana kualifikohet në fazën e grupeve të Conference League, merr 2.94 milionë euro + 400 mijë euro.





Lajmet e fundit nga