web counter
LEXO PA REKLAMA!

SHKARKO APP

App Store
Google Play

E fundit!

x

Makthi i Ibrahimoviç në Champions nuk ka fund, UEFA nuk e shpall fitues edhe nëse triumfon Milani

20 Prill 2023, 19:57, Sport CNA

Zlatan Ibrahimoviç ka gjithë jetën që ndjek një trofe, atë të Ligës së Kampioneve. Por sulmuesi suedez nuk ka arritur kurrë ta bëjë të tijin, ndonëse ka luajtur në superskuadra gjatë karrierës së tij. Një makth i vërtetë të cilit në këtë sezon mund t’i shtohet një kapitull me të vërtetë i çuditshëm.

Ylli suedez është pjesë e Milanit, që ka kaluar në gjysmëfinalet e turneut dhe mund të jetë një prej fituesve të trofeut më të lakmuar për klubet në Europë. Por edhe nëse kuqezinjtë triumfojnë, për Ibrahimoviç nuk do të ketë medalje dhe as nuk do të konsiderohet fitues, edhe nëse për “efekt skenik” do të dalë në podium për të ngritur lart kupën.

Arsyeja është se Ibrahimoviç nuk është regjistruar në listën e UEFA-s në fillimin e edicionit, duke munguar në fazën në grupe të turneut pasi ishte i dëmtuar. Gjithashtu, Milani nuk e përfshiu atë as në ndryshimet që bëri në fillimin e shkurtit, kur duhej të dorëzonte përsëri listën në UEFA.

Ndaj suedezi i cili nuk ka luajtur asnjë minutë në këtë edicion të Champions, do të shohë si tifoz i thjeshtë sfidat e mbetura të Milanit në këtë kompeticion, përfshirë edhe derbin e ethshëm me Interin, apo edhe një finale të mundshme të turneut që ka gjithë karrierën që mundohet ta fitojë.





Lajmet e fundit nga