web counter
LEXO PA REKLAMA!

SHKARKO APP

App Store
Google Play

E fundit!

x

Guardiola: Për ta fituar Ligën e Kampionëve, duhet të quhesh Real Madrid

20 Prill 2023, 16:26, Sport CNA

Manchester City është kualifikuar në gjysmëfinale të Ligës së Kampioënve këtë edicion, duke eleminuar në çerekfinale Bayern Munichun. “Qytetarët” triumfuan 4-1 me rezultat të përgjithshëm ndaj gjigantit bavarez dhe siguruan plasmanin në gjysmëfinale.

Manchester City në gjysmëfinale do të ketë punë me 14 herë kampionët e Evropës, Real Madridin. Për këta të fundit foli edhe trajneri i Cityt, Pep Guardiola, pas ndeshjes me Bayern Munichun. Strategu spanjoll tha duhet të quhesh Real Madrid për ta fituar Ligën e Kampionëve.

“Duket se nëse dëshiron të fitosh Ligën e Kampionëve, duhet të quhesh Real Madrid. Kanë histori dhe traditë shumë të rëndësishme. Kam lexuar që në 13 vitet e fundit Real Madridi ka luajtur 11 herë në gjysmëfinale”.

“Ne, nga ana tjetër, kemi tre gjysmëfinale radhazi dhe mendoj se është një arritje e pabesueshme. Nuk ka rëndësi nëse fitojmë Ligën e Kampionëve, është e rëndësishme të përpiqemi. Domethënë, nëse provoni shumë herë, ndoshta një ditë do të keni fatin ta fitoni”, tha Guardiola pas ndeshjes.

Guardiola, i cili fitoi Ligën e Kampionëve me Barcelonën në vitin 2009 dhe 2011, nuk ka mundur ta përsërisë atë sukses që atëherë, edhe pse ai drejtoi një nga gjeneratat më të mira të Bayernit dhe ai ka qenë ndoshta në klubin më të pasur në botë për shtatë vjet.





Lajmet e fundit nga