web counter
LEXO PA REKLAMA!

SHKARKO APP

App Store
Google Play

Bajerni i Mynihut dhe Dortmundi në sprintin final, verdhezinjtë më të favorizuar

9 Maj 2023, 14:31, Sport CNA

Bajerni i Mynihut dhe Borusia Dortmundi do të duelojnë në distancë në tri javët e fundit për titullin kampion në Gjermani. Në vitet e fundit, bavarezët kanë qenë dominues dhe kanë arritur që të fitojnë në pjesën më të madhe të rasteve me diferencë të konsiderueshme pikësh për titullin kampion, por këtë sezon pritshmëritë janë maksimale që skuadra kampione të caktohet pasditen e 27 majit.

Të dyja skuadrat duket se janë në kushte të ngjashme, referuar kalendarin. Si Bajerni dhe Dortmundi do të luajnë nga dy ndeshje në shtëpi në tri javët e fundit e do të kenë vetëm nga një sfidë jashtë fushe. Bajerni do të presë këtë fundjavë Shalken, e cila është në një pozitë shumë të vështirë, teksa ndodhet në pjesën e fundit të tabelës e garon për mbijetesën. Më pas vizitor në “Allianz Arena” do të jetë Lajpcigu që synon zonën Champions. Në fund, Bajerni e mbyll në “RheinEnergieStadion ndaj Këlnit. Tri betejat e fundit për Bajernin që nëse merr 9 pikë të plota atëherë do të siguronte titullin kampion.

Në anën tjetër, Dortmundi pret në fundjavë Borussia M’gladbach që ndodhet pa objektiva në mesin e tabelës, viziton Augsburgun që ka një diferencë prej 6 pikësh me rënien, e në fund fund pret në “Signal Iduna Park” Mainz që garon për Europën për momentin. Verdhezinjtë kanë përballë kundërshtarë disi më të lehtë, krahasuar me kampionët në fuqi, që këtë edicion nuk kanë pasur shkëlqimin e sezoneve të fundit.

Bajerni është 10 herë radhazi kampion i Gjermanisë, por këtë sezon mbetet për t'u parë nëse do të ruajë vazhdimësinë apo më në fund Dortmundi do arrijë që të thyejë bavarezët pas një dekade.





Lajmet e fundit nga