web counter
LEXO PA REKLAMA!

SHKARKO APP

App Store
Google Play

E fundit!

x

Argjentina kualifikohet në finalen e Kupës së Amerikës, vendosin golat e Alvarez dhe Messi

10 Korrik 2024, 12:22, Sport CNA

Argjentina kualifikohet në finalen e Kupës së Amerikës,

Ashtu siç edhe pritej, Argjentina siguroi kualifikimin për në finalen e Kupës së Amerikës. Kampionët në fuqi, triumfuan ndaj Kanadasë në gjysmëfinale, me rezultatin 2-0.

Ishte një ndeshje e bukur dhe me raste nga të dyja ekipet, me argjentinasit që e nisën më kërkues.

Në minutën e 12-të, Messi iu afrua golit me një gjuajtje të fortë nga jashtë zonës, e cila shkoi ngjitur me shtyllën e majtë.

10 minuta më vonë, ishte Alvarez, që bëri të shpërthejë festa për argjentinasit. Sulmuesi kontrolloi në mënyrë të përkryer një top të gjatë dhe i vetëm me portierin nuk gaboi.

Di Maria nuk u besoi syve në minutën e 34-t, kur pa gjuajtjen e tij me parabol, të shkojë jashtë. Skuadra e drejtuar nga Scaloni nuk i ndali rastet për asnjë moment dhe në fundin e pjesës së parë ishte Messi që shpërdoroi një mundësi të mirë për shënim.

Megjithatë në startin e fraksionit të dytë, erdhi edhe goli i qetësisë. Mesi devijoi një gjuajtje të Enzo Fernendez dhe topi përfundoi në rrjetë.

Kanadezët provuan me të gjitha mënyrat për të rihapur sfidën, por e kishin të pamundur, kjo për shkak të disa pritjeve vendimtare të Martinez.

Në fund festa ishte për Argjentinën, që kualifikohet në finale për herë të dytë radhazi dhe synimi është të marrin trofeun. Kundërshtari në finale për argjentinasit, do të jetë fituesi i çiftit Uruguai-Kolumbi.





Lajmet e fundit nga