web counter
LEXO PA REKLAMA!

SHKARKO APP

Gati firma, vendoset e ardhmja e trajnerit Simone Inzaghi

9 Korrik 2024, 12:46, Sport CNA

Gati firma, vendoset e ardhmja e trajnerit Simone Inzaghi

Simone Inzaghi do të vazhdojë të jetë trajner i Interit, të paktën edhe për dy sezonet e ardhshme. Palët kanë arritur marrëveshjen mes tyre për të rinovuar kontratën.

Inzaghi dhe Interi kanë rënë dakord që të zgjasin bashkëpunimin deri në verën e vitit 2026.

Përveç zgjatjes së kontratës, Inzaghi do të bëhet trajneri më i paguar në Serinë A. 48-vjeçari do të marrë një pagë prej 6.5 milionë eurosh në sezon, pa përfshirë bonuset.

Kjo do të jetë paga më e lartë në Itali, e ndjekur nga Antonio Conte, që te Napoli përfiton 6 milionë euro në sezon, plus bonuse.

Njoftimi për rinovimin e kontratës do të vijë brenda kësaj jave, ndërsa ajo aktualja i përfundonte në verën e vitit 2025.

Zikaltrit e mbyllën sezonin me fitimin e titullit kampion në Itali, me 94 pikë të grumbulluara, plot 19 pikë më shumë se Milani i vendit të dytë.

Sukseset e Inzaghi-t në stolin e Interit kanë qenë të shumta, ku vlen të përmendet edhe finalja e Ligës së Kampioneve, aty ku një vit më parë u mposht nga Manchester City.

Tekniku italian, është në stolin e zikaltërve nga viti 2021, kur u afrua pas largimit nga Lacio, ndërsa në karrierën e tij si trajner, ka drejtuar edhe Atalantën dhe Sampdorian.





Lajmet e fundit nga