Bielsa: Futbolli t’i rikthehet të varfërve, po përfiton vetëm biznesi

9 Korrik 2024, 12:47, Sport CNA

Bielsa: Futbolli t’i rikthehet të varfërve, po përfiton

Trajneri i Uruguait, Marcelo Bielsa, ka shpërthyer në kritika, në lidhje me mënyrën sesi po funksionon futbolli. Sipas tij, ky sport është shndërruar në biznes dhe të varfërit nuk kanë mundësinë të shikojnë ndeshjet.

Bielsa deklaroi se për këtë duhet të dalin dhe të flasin të gjithë, ndërsa theksoi se është e turpshme, që këtë e bën vetëm ai.

Tekniku i njohur deklaroi se futbolli u kthye në një sport popullor, vetëm për shkak se e ndiqnin të varfërit falas.

“Pavarësisht se sa njerëz shikojnë futboll, nëse nuk siguroheni që ajo që njerëzit shikojnë është diçka e këndshme, do të përfitojë vetëm biznesi. Sepse biznesit i intereson vetëm sa njerëz shikojnë futboll. Por në pak vite do të ketë më pak lojtarë që meritojnë të shikohen dhe loja e prodhuar do të bëhet më pak e këndshme, kjo rritje artificiale aktuale e shikuesve do të ndalet.

Mendoj se duhet ta injorojmë këtë skenar që po na propozojnë, ku polemika, akuza, përcaktimi i fajtorit bëhet një obsesion që përkeqëson atmosferën në të cilën duhet luajtur futbolli.

Futbolli është një pasuri popullore. Njerëzit e varfër që nuk kishin para për të blerë gjëra që i bënin të lumtur, kishin futboll që ishte falas. Por tani ata nuk e kanë më atë.

Futbolli është fillimisht një pronë popullore. Pse? Sepse njerëzit e varfër kanë akses shumë të kufizuar për të blerë atë që i bën të lumtur, sepse nuk kanë para për ta blerë atë.

Pra, për shkak se futbolli është falas, origjina e tij është popullore. Është një nga gjërat e pakta që njerëzit më të varfër mund të kenë. Megjithatë, sot nuk e kanë më. Lojtarët 17-vjeçarë si Endrik po shkojnë në Evropë…

Është turp që jam unë ai që duhet t’i them këto gjëra, sepse pastaj vetëm do të më kritikojnë. Ndoshta ju gazetarët duhet t’i thoni këto gjëra, sepse mendoj se nuk jeni pjesë e biznesit, përndryshe do t’i bënit. Unë besoj se mediat duhet të pengohen të dëgjojnë zërin e përforcuar të njerëzve si unë, të cilët herë pas here kanë ndikim publik. Ju po më dëgjoni se jam trajner i kombëtares së Uruguait, përndryshe kujt do t’i interesonte kjo që po them?

Por ju si përfaqësues të një profesioni që ka të njëjtin pushtet me median, një pushtet që manipulon absolutisht gjithçka në maksimum. Pse nuk bëni një hetim për të demaskuar gënjeshtrat?”, u shpreh Bielsa.

Kujtojmë se Uruguai me Bielsën në stol ka siguruar kualifikimin për në gjysmëfinalen e Kupës së Amerikës, aty ku do të përballet me Kolumbinë.