web counter
LEXO PA REKLAMA!

SHKARKO APP

App Store
Google Play

E fundit!

x

Ancelotti nuk fshihet më: Më kërkon Brazili, ju tregoj vendimin tim

2 Prill 2023, 16:16, Sport CNA

Carlo Ancelotti ka konfirmuar të gjithë zërat që e çonin atë në krye të përfaqësueses së Brazilit. Trajneri i Real Madrid ka zbuluar interesimin e Federatës Braziliane të Futbollit. Megjithatë, ai do t’u mbetet besnik madrilenëve deri në fund të kontratës që përfundon në qershor të vitit të ardhshëm. Në konferencën për shtyp italiani nuk i ka fshehur emocionet duke u shprehur: 

“Po, realiteti është se kombëtarja braziliane më dëshiron, e dua këtë dhe më emocionon. Të gjithë mund të thonë çfarë të duan, dhe pastaj është realiteti. Në rastin tim, është shumë e thjeshtë. Unë kam një kontratë dhe dua ta respektoj atë, sepse më pëlqen Real Madridi, më pëlqen ky klub dhe çdo gjë që mund të ndodhë pas kësaj është në të ardhmen, dhe askush nuk e di të ardhmen”, tha fillimisht ai.

I pyetur më pas nëse ka ndërmend të tërhiqet nga trajningu, trajneri 60-vjeçar tregoi: “Nuk mund ta konfirmoj këtë sot. Do të qëndroja derisa klubi të më lejonte”.

Barcelona po bën jashtëzakonisht mirë në La Liga, ndaj mbrojtja e titullit për Realin duket mision i pamundur. Megjithatë, për të shpëtuar sezonin vlen Champions League, kompeticion në të cilin madrilenët vijojnë të jenë në lojë.





Lajmet e fundit nga