web counter
LEXO PA REKLAMA!

SHKARKO APP

App Store
Google Play

E fundit!

x

Inzagi në telashe, klubi i kërkon si prioritet Salernitanën para supersfidës me Juventusin

2 Prill 2023, 11:12, Sport CNA

Interi vazhdon të lëshojë pikë të rëndësishme rrugës dhe tashmë prania në Ligën e Kampioneve nuk është aq e sigurt sa mund të dukej për zikaltrit. Dhe tashmë për Inzagin vjen kota që të bëjë zgjedhje që mund të ndikojnë fatin e klubit.

Trajneri është vënë në diskutim nga drejtuesit e klubit dhe sipas "La Gazzetta dello Sport”, ata i kanë kërkuar si prioritet sigurimin e një vendi mes katër të parëve në kampionat. Gazeta e njohur sportive italiane bën të qartë se ndonëse Juventusi është kundërshtari i mesjavës në Kupën e Italisë, Stiven Zhang i ka bërë të qartë trajnerit që nuk duhet të mendojë për atë ndeshje më shumë sesa për sfidën ndaj Salernitanës në kampionat.

Një tjetër ndalesë do të komplikonte shumë kualifikimin në Champions në një betejë shumë të ndezur në Serinë A. Ndaj Inzagit do t’i duhet të përqendrohet në objektivin kryesor të klubit pasi pa paratë e garantuara nga Champions-i, Interi do ta kishte shumë të vështirë të vazhdonte projektin me drejtuesit kinezë dhe shitja e klubit ndoshta do të bëhej e paevitueshme. Problemi është se një ndeshje “jo” ndaj Juventusit duke menduar për Salernitanën, do ta bënte Inzagin edhe më të padëshiruar nga tifozët.





Lajmet e fundit nga