web counter
LEXO PA REKLAMA!

SHKARKO APP

App Store
Google Play

E fundit!

x

Çalhanoglu: Kam marrë disa oferta, Inter-i nuk më lë të largohem  

10 Shtator 2024, 12:49, Sport CNA
Çalhanoglu: Kam marrë disa oferta, Inter-i nuk më lë
Hakan Calhanoglu, Burimi: Licensed by Google

Mesfushori i Inter-it dhe kombëtares së Turqisë, Hakan Çalhanoglu, ka deklaruar së fundmi se ai ka marrë disa oferta, por zgjodhi të qëndrojë tek Inter-i.

Në një prononcim të dhënë për mediet turke, mesfushori theksoi se për të ka gjithmonë kritika, por sipas tij faktet tregojnë tjetër gjë.

"Kur vjen puna për mua, gjithmonë ka kritika, por përpiqem të mos i dëgjoj shumë. Nuk dua të dukem si mendjemadh, por pas 21 vitesh është hera e parë që një lojtar turk është rikthyer në renditjen e ‘Topit të Artë’, unë jam krenar për këtë”, - u shpreh fillimisht ai.

Më tej, 30-vjeçari u dha fund aludimeve për të ardhmen e tij tek Inter-i, duke u shprehur se nuk ka ndërmend të largohet, pavarësisht ofertave.

"Kam marrë oferta në muajt e fundit, por thashë se do të qëndroj tek Inter-i dhe Inter-i nuk do të më lërë të shkoj gjithsesi. Kështu që, siç thashë, nuk është totalisht në dorën time. Do të përpiqem të luaj në nivelin më të lartë të mundshëm. Për sa i përket ekipit kombëtar, unë dua të jem në gjendje të luaj ndeshjen time të 100-të për Turqinë”, - tha ndër të tjera Hakan Çalhanoglu./ CNA





Lajmet e fundit nga