web counter
LEXO PA REKLAMA!

SHKARKO APP

App Store
Google Play

E fundit!

x

Lojtari i 12-të “pushton” stadiumin “Air Albania”, Shqipëria gati për përballjen me Gjeorgjinë

10 Shtator 2024, 09:26, Sport CNA
Lojtari i 12-të “pushton” stadiumin “Air Albania”,
Tifozët e Kombëtares

Numërimi mbrapsht ka nisur, Kombëtarja shqiptare e futbollit zbret sot në orën 20:45 në “Air Albania”, ku do të përballet me Gjeorgjinë në kuadër të raundit të dytë të Ligës së Kombeve.

“Kuqezinjtë” janë të frymëzuar për të dhënë maksimumin ndaj një kundërshtari të vështirë, por me mbështetjen e të gjithë shqiptarëve, që do të “pushtojnë” stadiumin “Air Albania” për të mbështetur djemtë e Kombëtares.

Skuadra e Silvinjos vjen në këtë takim pas fitores 1-2 ndaj Ukrainës, me të gjithë që janë në superformë për të dhënë maksimumin.

Nëse u referohemi statistikave të përballjeve mes Shqipërisë dhe Gjeorgjisë, ato flasin më mirë për kundërshtarin tonë, pasi në një total prej 13 ndeshjesh, “kuqezinjtë” numërojnë 3 fitore, 7 humbje dhe 3 barazime.

Shifra që i përkasin së shkuarës, pasi tani më shumë se kurrë Shqipëria ka një skuadër të uritur për fitore dhe që nuk di të ndalet përpara asnjë kundërshtari, cilido qoftë ai.

Shqipëria dhe Gjeorgjia, të dyja kryesojnë Grupin B1 me nga 3 pikë dhe të dyja do të tentojnë të marrin maksimumin nga përballja e kësaj të marte.

Megjithatë në “Air Albania”, Gjeorgjia nuk do të përballet me 11, por me 12 lojtarë, pasi lojtari i 12-të është më shumë se i motivuar për të mbështetur ekipin “KUQEZI”./ CNA





Lajmet e fundit nga