web counter
LEXO PA REKLAMA!

SHKARKO APP

App Store
Google Play

E fundit!

x

Silvinjo “fikson” titullarët/ Si pritet rreshtimi i Shqipërisë ndaj Gjeorgjisë

10 Shtator 2024, 10:40, Sport CNA

Silvinjo “fikson” titullarët/ Si pritet rreshtimi i

Shqipëria ndaj Gjeorgjisë pritet të jetë e njëjtë në fushë si ndaj Ukrainës. Trajneri Silvinjo na ka mësuar nga e kaluara, se nuk e ndryshon formacionin fitues dhe pritet të bëjë të njëjtën gjë edhe këtë herë.

Në portë do të luajë Thomas Strakosha, ndërsa para tij edhe është e sigurt dyshja Ismajli-Kumbulla. Të dy lojtarët bindën ndaj Ukrainës, duke qenë nga më të spikaturit dhe do të luajnë nga fillimi edhe në sfidën në Tiranë.

Në krahun e majtë të mbrojtjes, e sigurt është prezenca e Mario Mitajt, ndërsa ka balotazh mes Ivan Balliut dhe Elseid Hysajt në të djathtë. Ky i fundit duket i avantazhuar, pasi ofron siguri në prapavijë, ndërsa Baliu njihet për daljet e shpeshta në sulm dhe lë hapësira mbrapa.

Silvinjo “fikson” titullarët/ Si pritet rreshtimi i

Në mesfushë nuk ndryshojnë Kristjan Asllani dhe Ylber Ramadani, ndërsa atyre u bashkëngjitet edhe Qazim Laçi, në formacionin 4-3-3.

Pas paraqitjes së jashtëzakonshme në takimin e fundit, Rei Manaj do të jetë sërish titullar në krye të sulmit, i ndihmuar nga Jasir Asani në të djathtë dhe Nedim Bajrami në të majtë.

Në pjesën e dytë pritet të ketë ndryshime në varësi të ecurisë së ndeshjes. Ndaj Ukrainës, Silvinjo bëri vetëm dy zëvendësime, duke aktivizuar në fund Medon Berishën dhe Arbër Hoxhën, kjo për shkak se ishte i lumtur për atë që ekipi po tregonte në fushën e lojës.

Në një “Air Albania” të mbushur me kapacitet të plotë, kuqezinjtë duan t’u dhurojnë tifozëve shijen e fitores, e cila do t'i dërgonte ata në krye të Grupit B1.

Ndeshja mes Shqipërisë dhe Gjeorgjisë, do të luhet mbrëmjen e kësaj të marte, me Kombëtaren kuqezi si pritëse.





Lajmet e fundit nga