web counter
LEXO PA REKLAMA!

SHKARKO APP

App Store
Google Play

Musiala jashtë “Topit të Artë”, Presidenti i Bayern-it: Mund të qëndrojë me ne për 20 vite

10 Shtator 2024, 11:51, Sport CNA
Musiala jashtë “Topit të Artë”, Presidenti i
Herbert Hainer, Burimi: FC Bayern Munich

Talenti i Bayern Munich, Jamal Musiala, nuk u përfshi në listën e 30 kandidatëve për “Topin e Artë” 2024, por për klubin gjerman ai është një nga futbollistët më të mirë të momentit.

Kjo gjë është konfirmuar edhe nga Presidenti i Bayern Munich, Herbert Hainer, i cili në një prononcim të dhënë së fundmi për mediet deklaroi se Musiala mund të qëndrojë edhe për 20 vite të tjera me ta.

"Ne duam të provojmë gjithçka për ta mbajtur atë sa më gjatë. Për mendimin tim, Musiala mund të bëhet një Thomas Muller i dytë dhe të qëndrojë këtu për 20 vitet e ardhshme”, - deklaroi numri një i klubit të Bayern-it.

Mesfushori 21-vjeçar numëron 166 paraqitje, në të cilat ka shënuar 44 gola me bavarezët, si dhe ka luajtur 35 ndeshje me kombëtaren kryesore të Gjermanisë, me të cilën ka shënuar 6 gola.

Sa u përket trofeve, rasti i Musiala-s është i tejmbushur nëse merret parasysh mosha e tij shumë e re. Si profesionist, mesfushori gjerman ka fituar një herë Ligën e Kampionëve, një Superkupë Europe, një Kupë Bote për Klube, katër herë Bundesliga-n si dhe tri Superkupa Gjermane./CNA





Lajmet e fundit nga