web counter
LEXO PA REKLAMA!

SHKARKO APP

App Store
Google Play

E fundit!

x

Alban Xhihani: Do ta ngremë një nivel më lart Superioren

19 Gusht 2022, 17:57, Sport CNA
Alban Xhihani: Do ta ngremë një nivel më lart Superioren
Alban Xhihani

Në emisionin “TI BO GOL” ka folur edhe drejtori i "OverSport", Alban Xhihani, i cili ka komentuar për këtë aventurë të re që "OverSport" dhe "Tibo" kanë nisur me “Abissnet Superiore”.

I ngacmuar për emrin e emisionit, “TI BO GOL”, drejtori i "OverSport" tha: “Në fakt ky ishte një gol i parë i realizuar. Sfida tashmë është e madhe për të bërë golin e radhës, që do të thotë të përballojmë në mënyrën më të mirë të mundshme këtë sezon të parë, sepse na presin në fakt tri sezone në Superligën shqiptare.

Jemi vërtet një emër i ri në platformat sportive këtu në Shqipëri, por me djem që jam shumë krenar që i kam në stafin tim, por me dëshirë shumë të madhe.

"OverSport" është gati këtu në bashkëpunim me platformën "Tibo" për të sjellë në mënyrën më të mirë të mundshme jo vetëm Serinë A, por edhe evente të tjera, sidomos Superligën shqiptare për të cilën gjithsesi dua të falënderoj të gjithë ata që kanë punuar më përpara për të arritur këtë nivel.

Megjithatë, unë flas këtu jo vetëm në emrin tim, por të gjithë drejtuesve, stafit dhe gazetarëve se ne do ta ngremë një nivel akoma dhe më lart këtë Superligë shqiptare që sapo ka nisur, me emrat e klubeve që meritojnë shumë respekt. Uroj të na shkojë mbarë, edhe klubeve dhe të jetë një garë e bukur.”





Lajmet e fundit nga