E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“E njohim mirë Egnatian”, Kolela zbulon afrimin e vetëm që pret te Partizani

19 Gusht 2022, 13:28, Sport CNA

“E njohim mirë Egnatian”, Kolela zbulon afrimin e vetëm

Trajneri i Partizanit, Xhovani Kolela, ka folur para mediave, në prag të sfidës së parë të kampionatit, që Partizani do të luajë ditën e nesërme ndaj Egnatias.

Tekniku italian, deklaroi se e njeh mirë kundërshtarin, pasi e kanë studiuar, ndërsa shtoi në skuadër nuk ka të dëmtuar dhe do të jenë të gjithë gati.

I pyetur për merkaton, Kolela zbuloi se pret vetëm një mbrojtës dhe më pas nuk do të ketë afrime të tjerë.

"Egnatian e njohim mjaft mirë. Kemi dërguar njerëzit tanë për ta parë. Si Egnatia do t’i përgatisim të gjitha ndeshjet në vijim. Kemi njohuri për sa i përket kundërshtarit. Situata në skuadër është shumë e mirë. Nuk kemi asnjë të dëmtuar. Mund të përmirësohemi dhe më shumë.

E sigurt është që Da Silva dhe Mensah, nuk do të kenë shumë minuta në këmbë, por gjendja e tyre është mjaft pozitive. Në skuadër do të afrohet një mbrojtës qendre dhe nuk do të ketë tjetër.

Kam gjetur një skuadër jo me entuziazmin që duhet të ketë, por është një skuadër shumë e mirë. Sigurisht, nëse do të kishte moral, unë nuk do të kishte këtu, por do të vazhdonte trajneri i mëparshëm.

Sigurisht që ne jemi për të arritur këtë objektivat këti. Punojmë me objektiva të përcaktuar dhe më pas do të shohim nëse do t’i arrijmë ato. Ky është vullneti jonë.

Ndeshja e parë është shumë e rëndësishme. Por duhet t’ju kujtoj që në vitin që Partizani u shpall kampion humbi në ndeshjen e parë. Është e rëndësishme, por jo shumë e rëndësishme. Diçka që edhe mund të garantoj është që skuadra ime të fitojë gjithmonë.

E shikoj të plotësuar repartin e sulmit. Siç ju thashë dhe më parë, i fundit që kërkoj është një mbrojtës qendre. Nëse nuk do të ketë lëvizje të tjera mund ta konsiderojë të mbyllur merkaton.

Mendoj që në këtë sezon kampionati shqiptar do të jetë më i ekuilibruar se në sezonet e kaluara. Ndoshta në letër Tirana mund të jetë diçka më shumë. Por mendoj që kampionati do të jetë shumë i ekuilibruar. Dhe ne jemi në garë njësoj si të tjerët dhe do ta provojmë deri në fund", u shpreh Kolela.