E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Vllaznia ka vetëm një objektiv", Josa: Turp të përmendim aleancat, klubet e tjera të bëjnë çfarë të duan

19 Gusht 2022, 12:58, Sport CNA

Vllaznia luan nesër përballë Erzenit në orën 17:00. Sfida e javës së parë do të luhet në stadiumin “Niko Dovana”, ku shijakasit do të zhvillojnë sfidat pritëse.

Për përballjen e nesërme ka folur trajneri Mirel Josa. Ndër pyetjet e bëra u përmendën aleancat, ku Josa u tregua i prerë duke thënë se klubet e tjera mund të bëjnë çfarë të duan. Në anën tjetër Vllaznia do ketë aleancë grupin që do të krijojë. Më poshtë mund të lexoni fjalën e trajnerit Josa.

“Nuk do të thotë se është start dhe do të fitojmë. Do të shkojmë me mendimin për ta fituar, nuk ka rëndësi niveli i skuadrës përballë, por si jemi ne. Duhet të vlerësojmë çdo ndeshje në maksimum sepse atëherë vlerësojmë punën tonë.

Bulatovic mungon, nuk do të jetë në lojë për arsye dëmtimi, është dëmtuar në Pogradec. Unë e di maksimumin e lojtarëve, kemi të tjerë që mund ta zëvendësojnë.

Luajmë me një skuadër që ka treguar karakter në Kategorinë e Parë. Pa vlerësimin e kundërshtarëve, nuk mund të fitohet një ndeshje. E vlerësojmë maksimalisht Erzenin.

Në Shqipëri 6 skuadra deklarojnë që do të dalin kampion. Shembullin e keni me Vllazninë që ishte 13 pikë para në kampionat dhe e humbi. Duhet të shofim çfarë do të bëjmë në fushën e lojës. Objektivi i skuadrës është të fitojë çdo ndeshje.

Për Malën ndodhi problemi me klubin tjetër dhe nuk besoj do të jetë i gatshëm për nesër. Dhe të ishte me lejen e kalimit gati, nuk do mundej sepse gjendja e tij nuk është e gatshme. E kam kërkuar vetë Malën në skuadër sepse e dimë rendimentin e tij, prandaj shpresoj të zgjidhet çështja e letrave.

Duhet të bëjmë dhe ne aleanca si skuadër? Nuk e diskutoj problemin e aleancave. Vllaznia do të ketë problem grupin që do të krijojë. Kur vjen puna e aleancave është turp t’i përmendim një ditë para fillimit të kampionatit. Në qoftë se fillojmë me aleanca do e kemi mendjen tek aleancat që do të bëjnë klubet e tjera. Klubet e tjera le të bëjnë çfarëdo aleanca të duan, qoftë aleancë ndërmjet tyre, qoftë ndonjë aleancë tjetër që mundohen të bëjnë ne do të shofim punën tonë”, u shpreh Josa.