web counter
LEXO PA REKLAMA!

SHKARKO APP

App Store
Google Play

E fundit!

x

Tregu i bagëtive në Stom Golem/ Zbulohet rasti i tretë i murtajës në Malësi të Madhe

29 Qershor 2025, 22:01, Sociale CNA

Tregu i bagëtive në Stom Golem/ Zbulohet rasti i tretë i

Tregu i kafshëve në fshatin Stom Golem të Shkodres funksionon çdo të diel, kryesisht me gjedhe dhe bagëti të imta. Këto të fundit mungojnë prej javësh për shkak të ndalimit të tregtimit të tyre.

Inspektorët e shërbimit veterinar zhvilluan kontrolle duke paralajmëruar fermerët mbi masat që duhet të marrin me qëllim kufizimin e sëmundjes.

“Nga data 4 qershor në qarkun e Shkodrës është shfaqur sëmundja e murtajës tek ruminantët e vegjël. Në këtë kuadër ne po marrim të gjitha masat me qëllimin e vetëm që të minimizohen sa më shumë dëmet që shkakton kjo sëmundje. Në bashkëpunim me inspektorët e shërbimit veterinar dhe policinë bashkiake po ushtrojmë kontrolle në ferma, rrugë e tregje. E vetmja lëvizje që lejohet është ajo jashtë hartës së infeksionit. Në Shkodër janë 2 tregje, ai i Shelqetit dhe i Stom Golemit. Fermerët duhet të kuptojnë se e vetmja mënyrë për ndalimin e përhapjes është ajo e kufizimit të lëvizjes”,-tha Mark Preçi, përgjegjës i shërbimit veterinar Shkodër.

Disa ditë më parë në Shkrel të Malësisë së Madhe u zbulua një tjetër rast i prekur nga murtaja. Në total u asgjësuan 300 krerë.

“Së fundmi është zbuluar nje rast i ri në Malësi të Madhe. Janë kryer të gjitha proçedurat dhe është bërë asgjesimi i 300 krerëve. Nga pikëpamja e organizimit ishte një fermë me të gjitha kushtet, por që rezultoi e prekut nga murtaja”,-tha Preçi.

Që nga shfaqja e rastit të parë në Domen të Postrribës, në fillim të muajit qershor, në qarkun Shkodër janë shtuar edhe 2 raste të reja, duke bërë që rreth 500 krerë të imta të asgjësohen./CNA





Lajmet e fundit nga