web counter
LEXO PA REKLAMA!

SHKARKO APP

App Store
Google Play

Asgjësohen 178 krerë të imëta në Shkodër/ Sfidë dëmshpërblimi, shkak matrikullimet

25 Qershor 2025, 12:59, Sociale CNA

Asgjësohen 178 krerë të imëta në Shkodër/

Të paktën 178 krerë të imëta janë asgjësuar në dy fermat që kanë rezultuar të prekura nga murtaja e ruminantëve të vegjël në Shkodër. Përgjegjësi i shërbimit veterinar, Mark Preçi, tregon se po ushtrohen kontrolle çdo ditë me qëllim parandalimin e mëtejshëm të rasteve.

“Me konfirmimin e rastit të dytë në Shkodër, shërbimi veterinar ka fuqizuar kontrollet. Aktualisht kemi grupe të ndryshme, të cilat po monitorojnë tregjet, e veçanërisht në rrezen 10 km. Në të dyja fermat janë asgjësuar gjithsej mbi 178 krerë. Procesi është kryer sipas të gjitha standardeve dhe mishi është manipuluar nga kompania, e cila ka një kontratë me shërbimin veterinar”,-tha Preçi.

Duket se për fermerët do të jetë e vështirë marrja e dëmshpërblimeve, ndonëse Ministria e Bujqësisë ka dhënë parimisht dritën jeshile. Kjo për shkak edhe të mungesës së matrikullimit në rastin e Postribës.

“Zëvendësministri i Bujqësisë deklaroi publikisht se qeveria është duke parë mundësinë për t’i dëmshpërblyer. Pavarësisht se kjo është një sëmundje shumë dëmtuese dhe qëllimi ynë është minimizimi i dëmit. Procesi i matrikullimit është hapi më i rëndësishëm i marrëdhënies mes fermerit dhe veterinerit. Pa matrikullim nuk ka zhdëmtim. Rasti i Postribës është shqetësues sepse ka deklaruar se i ka blerë në treg të zi, ndërsa rasti i Trushit i ka pasur të matrikulluara”,-tha Preçi.  

Rasti i parë i zbuluar në Shkodër ishte në fillim të qershorit në zonën e Postribës, ndërsa rasti i dytë rezultoi pozitiv disa ditë më parë në zonen e Trushit, fshat periferik i Shkodrës./CNA





Lajmet e fundit nga