web counter
LEXO PA REKLAMA!

SHKARKO APP

App Store
Google Play

E fundit!

x

Murtaja e bagëtive/ Nuk ka raste të reja në veri, vijon bllokimi i lëvizjes

19 Qershor 2025, 16:08, Sociale CNA

Murtaja e bagëtive/ Nuk ka raste të reja në veri, vijon bllokimi

Me përjashtim të rastit të dy javëve më parë kur në një fermë të imëtash në Domen të Postribës u konstatua murtaja e bagëtive, asnjë rast tjetër nuk ka deri tani në Prefekturën e Shkodrës, ashtu dhe në Lezhë e Kukës.

Konfirmimi vjen nga drejtori rajonal i shërbimit veterinar për veriun, Andi Bilali.

Ai theksoi edhe një herë urdhrin e ministrit të Bujqesisë, sipas të cilit bllokohet lëvizja e të imëtave deri në tejkalimin e kësaj sëmundjeje.

"Situata është e qetë, sidomos në rajonin e Shkodrës dhe Lezhës, ku nuk ka pasur raste. Puna vijon çdo ditë për monitorimin e fermave në terren. Krahas kësaj po punojmë për ndërgjegjësimin e fermerëve. Me urdhër të ministrisë është bllokuar lëvizja e kafshëve nga tregu në fermë dhe anasjelltas. Në përfundim të karantinës 21-ditore në rast se nuk do të ketë raste të reja mund të zhbllokohen një pjesë e tregjeve", tha Bilali.

 

 

Prefekturat Shkodër, Lezhë dhe Kukës kanë 6 tregje të bagëtive, që funksionojnë një herë në javë, por gjatë kësaj periudhe nuk lejohet tregtimi i të imëtave.

Shërbimi veteriner u bën thirrje fermerëve që për çdo rast të dyshuar te tufat e tyre të njoftojnë menjëherë  mjekun e shërbimit veterinar të njësisë administrative ku jetojnë./ CNA





Lajmet e fundit nga