web counter
LEXO PA REKLAMA!

SHKARKO APP

App Store
Google Play

E fundit!

x

Strehimi i komunitetit rom në Shkodër/ Sfidë mbetet integrimi dhe punësimi i tyre

24 Qershor 2025, 18:23, Sociale CNA

Strehimi i komunitetit rom në Shkodër/ Sfidë mbetet integrimi dhe

Kominiteti rom i strehuar tek kontinierët që Bashkia Shkodër ka vënë në dispozicion, vijojnë të vuajnë mungesën e ujit të pijshëm. Specialistja e Shërbimit Social në Bashkinë Shkodër Fatmira Kraja thekson se aktualisht po punohet për rikthimin e furnizimit me ujë të pijshëm, që është ndërprerë për shkak të ndërhyrjeve të paligjshme të vetë banorëve.

“Mbështetje me bazë ushqimore, me veshmbathje, me ilaçe, mbështetje në bazë të kërkesave që familjet kanë pasur. Përsa i përket ujit të pijshëm, këtu realisht është një zonë informale, ku uji është me shpim. Por sa herë që ka patur probleme me ujin, kanë ardhur teknikët per të asistuar pavarësisht se ka patur ndërhyrje edhe të paligjshme nga ana e tyre në pompa”,-shprehet Kraja.

Strehimi i komunitetit rom në Shkodër/ Sfidë mbetet integrimi dhe

Gjithashtu, Kraja komentoi edhe ngjarjen e ndodhur para pak ditësh, kur tre kontenierë u përfshinë nga flakët, duke sqaruar se fatmirësisht nuk pati pasoja në njerëz dhe se strukturat përkatëse janë angazhuar për të ndihmuar këto familje në nevojë, duke i strehuar në mënyrë provizore.

“Familjet janë sistemuar në mënyrë provizore deri në akomodim të plotë. Strehimi i tyre është bërë menjëherë sapo ka ndodhur rënja e zjarrit”,-tha Kraja.

Strehimi i komunitetit rom në Shkodër/ Sfidë mbetet integrimi dhe

27 familje të komunitetit Rom në Shkodër u strehuan tre vite më parë pranë kontinierëve në një nga lagjet periferike të qytetit. Pavarësisht ndihmave provizore, vijon që të jetë sfidë integrimi dhe punësimi i tyre./CNA





Lajmet e fundit nga