LEXO PA REKLAMA!

SHKARKO APP

Suprizat e motit/ Mesjava rrit temperaturat

5 Tetor 2022, 08:06, Sociale CNA

Suprizat e motit/ Mesjava rrit temperaturat

Paraditja do të sjellë në territorin shqiptar mbizotërim të motit të kthjellët në të gjithë vendin tonë.

Por pas mesdite parashikohet të ketë kalime të pakta të vranësirave në zonat veriore.

Ndërsa ultësira perëndimore parashikohet të mbetet në dominimin e kthjellimeve edhe pas mesdite.   

Temperaturat e ajrit do të ulen lehtë në mëngjes, por do të rriten në mesditë duke luhatur vlerat ditore nga 5°C deri në 27°C.

Era do të fryjë e lehtë dhe mesatare me shpejtësi 30 km/h kryesisht nga drejtimi verior duke krijuar dallgëzim 2 ballë.

Ndërsa nesër me 6 tetor 2022, sipas MeteoAlb, pjesa e parë e ditës parashikohet të jetë në mbizotërimin e kthjellimeve dhe kalimeve të pakta të vranësirave, të cilat do të jenë më të dukshme në zonat malore.

Në pjesën e dytë të ditës pritet që gradualisht vranësirat të shfaqen në një pjesë të mirë të territorit, por nuk do të sjellë reshje në vend.

Temperaturat e ajrit do të rriten në mëngjes dhe në mesditë duke luhatur vlerat ditore nga 7°C deri në 28°C.

Era do të fryjë e lehtë dhe mesatare në det me shpejtësi 35 km/h nga drejtimi veriperëndimor duke krijuar dallgëzim 2 ballë./CNA.al

Lajmet e fundit nga