web counter
LEXO PA REKLAMA!

SHKARKO APP

App Store
Google Play

E fundit!

x

Dita Botërore e Zemrës/ Këshillat e mjekëve, si të mbani në kontroll faktorët e riskut

29 Shtator 2022, 16:33, Sociale CNA
Dita Botërore e Zemrës/ Këshillat e mjekëve, si të
Foto ilustruese

Dita Botërore e Zemrës mbahet në nivel global çdo vit më 29 shtator, me qëllimin kryesor të saj ndërgjegjësimin, informimin dhe edukimin e njerëzve lidhur me sëmundjet kardiovaskulare (SKV).

Sëmundjet kardiovaskulare janë shkaku kryesor i vdekjeve në të gjithë botën.

Çdo vit, mbi 17.9 milionë njerëz vdesin nga sëmundjet e kardiovaskulare, që përfaqëson 32% të të gjitha vdekjeve globale.

Me qëllim ndërgjegjësimin dhe edukimin  e njerëzve lidhur me këto sëmundje, çdo vit më 29 shtator mbahet Dita Botërore e Zemrës.

Mjekja kardiologe Jorida Djamandi vë theksin te ndërgjegjësimi i njerëzve për rrezikshmëritë që mund të kenë këto sëmundje.

“Dihet botërisht që sëmundjet kardivaskulare zënë vednin e parë për vdekshmërinë. Kjo ditë celebrohet për shkak të rrezikshmërisë së lartë. Një në dy shqiptarë dhe një dy persona në botë nuk e dinë që kanë një faktor rreziku për sëmundjet kardiovaskulare”, shprehet ajo për mediat.

Sipas Organizatës Botërore të Shëndetësisë (OBSH), çdo vit vdesin më shumë njerëz nga sëmundjet kardiovaskulare, sesa nga çdo sëmundje tjetër.

Sëmundjet kardiovaskulare shkaktojnë vdekje të parakohshme dhe shumë prej tyre, të paktën 80% e vdekjeve të parakohshme mund të parandalohen apo shmangen, duke mbajtur nën kontroll faktorët e rrezikut të këtyre sëmundjeve siç janë përdorimi i duhanit, alkoolit, kripës, inaktiviteti fizik apo sedentarizmi, si dhe rritja e presionit të gjakut./CNA.al

 

 





Lajmet e fundit nga