LEXO PA REKLAMA!

SHKARKO APP

E fundit!

x

Mëngjes i ftohtë, vranësira dhe reshje shiu/ Parashikimi i motit për tri ditët në vijim

25 Shtator 2022, 08:08, Sociale CNA
Mëngjes i ftohtë, vranësira dhe reshje shiu/ Parashikimi i motit
Foto ilustruese

Moti sot

Kushtet e qëndrueshme atmosferike do të vijojnë të jenë dominuese në të gjithë teritorin e Shqipërisë përgjatë gjithë 24-orëshit. Parashikohet që kthjellimet të jenë më të dukshme në orët e para të ditës. Ndërsa pas mesdite pritet që vranësirat të jenë të shpeshta, ku më të theksuara do të jenë në zonat veriore.

Sipas Meteoalb, temperaturat e ajrit do të vijojnë të rriten në mëngjes dhe mesditë duke luhatur vlerat ditore nga 7°C deri në 26°C.

Era do të fryjë mesatarisht me shpejtësi 40 km/h kryesisht nga drejtimi jugor duke krijuar në det dallgëzim mbi 3 ballë.

Moti për ditën e hënë, 26 shtator 2022

Sipas MeteoAlb, orët e para të ditës do të jenë nën dominimi e kthjellimeve dhe kalimeve të vranësirave, të cilat më të fokusuara do të jenë në zonat veriore. Por pritet që në orët e mesditës dhe pasdites të ketë shtim të vranësirave të cilat do të gjenerojnë reshje shiu si fillim në zonat veriperëndimore. Parashikohet që gjatë mbrëmjes dhe natës vranësirat të zhvillohen në të gjithë vendin duke gjeneruar reshje shiu.  

Temperaturat e ajrit do të rriten lehtë në mëngjes dhe në mesditë duke luhatur vlerat ditore nga 8°C deri në 27°C.

Era do të fryjë mesatare dhe e fortë mesatare me shpejtësi 60 km/h kryesisht nga drejtimi jugor duke krijuar në brigjet detare dallgëzim mbi 5 ballë.

Moti për ditën e  martë, 27 shtator 2022

Vendi ynë përgjatë gjithë 24-orëshit do të jetë nën ndikimin e vranësirave të shumta, të cilat do të gjenerojnë reshje shiu në territor, ku më të dukshme parashikohet që shirat të jenë në zonat veriore. Pritet që herë pas here të kemi dhe reshje në formë rrebeshi. Ndërsa mbrëmja dhe nata përmirësojnë gradualisht motin në Shqipëri.  

Temperaturat e ajrit do të mbeten konstante në mëngjes, por do të ulen në mesditë duke luhatur vlerat ditore nga 8°C deri në 26°C.

Era do të fryjë mesatare dhe e fortë mesatare me shpejtësi 50 km/h nga drejtimi jugor – jugperëndimor duke krijuar në brigjet detare dallgëzim mbi 4 ballë./ CNA.al

 

Lajmet e fundit nga