LEXO PA REKLAMA!

SHKARKO APP

Shqipëria pjesëmarrëse në panairin më të madh të turizmit, ITB Berlin

6 Mars 2023, 14:54, Sociale CNA

Shqipëria pjesëmarrëse në panairin më të madh

Shqipëria prezanton potencialet në turizmin e qëndrueshëm, përmes një agjende të nivelit të lartë në “ITB Berlin 2023”, panairin më të rëndësishëm në botë për turizmin.

Në datat 7-9 mars, përmes një programi të mirorganizuar nga Ministria e Turizmit dhe Mjedisit, nën sloganin “Albania-All you need is here”, promovohen ofertat turistike që synojnë turizmin gjithëvjetor dhe të qëndrueshëm.

Më 7 mars, kryeministri Edi Rama dhe minsitrja e Turizmit dhe Mjedisit, Mirela Kumbaro, do të priten nga kancelari gjerman Olaf Scholz, për të vijuar me takimin me Sekretarin e Përgjithshëm të Organziatës Botërore të Turizmit, Zurab Pololikashivili në mjediset e ITB Berlin.

Shqipëria pjesëmarrëse në panairin më të madh

Më tej, aktiviteti do të vazhdojë me tryeza pune e takime me përfaqësues të industrisë gjermane të turizmit, donatorë, përfaqësues të sektorit privat dhe konferencë për shtyp për mediat gjermane.

Shqipëria përfaqësohet në këtë panair me stendën e saj zyrtare, ndërsa shumë shoqata dhe turoperatorë shqiptarë marrin pjesë po ashtu.

Gjatë vitit 2022, Shqipëria arriti rekordin historik prej 7.5 milionë vizitorësh të huaj dhe synimi i radhës është turizmi i nivelit të lartë në standarde, i qëndrueshëm dhe gjithëvjetor./CNA.al

Lajmet e fundit nga