web counter
LEXO PA REKLAMA!

SHKARKO APP

App Store
Google Play

Rriten temperaturat/ E shtuna rikthen shiun

16 Dhjetor 2022, 08:04, Sociale CNA

Rriten temperaturat/ E shtuna rikthen shiun

Vendi ynë do të mbetet në mbizotërimin e motit të qëndrueshëm përgjatë gjithë ditës, duke sjellë alternime kthjellimesh dhe vranësirash të shpeshta.

Por pritet që vranësirat të shtohen përkohësisht duke gjeneruar reshje të pakta, kryesisht në Veri të Shqipërisë do të jenë më të dukshme.

Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 4°C deri në 22°C.

Era do të fryjë mesatare dhe e fortë në det me shpejtësi 60 km/h nga drejtimi Jugor - Juglindor duke krijuar në brigjet detare dallgëzim 5 ballë.

Ndërsa nesër me 17 dhjetor 2022, sipas meteoAlb, vendi ynë do të dominohet përgjatë gjithë ditës nga kushtet e paqëndrueshme atmosferike, të cilat do të sjellin në territorin shqiptar vranësira të shumta dhe reshje shiu.

Pritet që më të dukshme reshjet të jenë në zonat Veriore dhe Veriperëndimore, ku parashikohet të ketë rrebeshe afatshkurtra shiu.

Temperaturat e ajrit do të rriten lehtë në mëngjes, por do të ulen ndjeshëm në mesditë duke luhatur vlerat ditore nga 5°C deri në 19°C.

Era do të fryjë mesatare dhe e fortë me shpejtësi 50 km/h kryesisht nga drejtimi Jugor duke krijuar në det dallgëzim mbi 4 ballë./CNA.al





Lajmet e fundit nga