web counter
LEXO PA REKLAMA!

SHKARKO APP

App Store
Google Play

Hapen portat e HEC-it të Shkopetit/ Banorët e Lezhës vendosin thasë me rërë për shmangien e përmbytjeve

15 Dhjetor 2022, 08:42, Sociale CNA
Hapen portat e HEC-it të Shkopetit/ Banorët e Lezhës vendosin
Foto Ilustruese, përmbytje Lezhë

Prej disa ditësh vendi ynë është përfshirë nga reshje të shumta që kanë sjellë problematika në disa qytete të vendit, veçanërisht Lezha dhe Shkodra.

Situata në lumin Mat paraqitet kritike për shkak të hapjes së portave të HEC-it të Shkopetit. Për shkak të kësaj, banorët e zonës po vendosin thasë me rërë që uji të mos shkojë në zonën e banuar.

Sakaq fryrja e lumit Mat po rrezikon edhe argjinaturën në zonën e Tales, duke bërë që kjo zonë të jetë e rrezikuar nga përmbytjet.

Gjithashtu 620 hektarë tokë është e përmbytur si dhe ka prezencë uji në bizneset rreth Luginës së Patokut.

Mësohet se aktualisht në Shkodër sipërfaqe toke si dhe rrugë të caktuara janë të mbuluara nga uji, duke e bërë thuajse të pamundur kalimin e njerëzve dhe mjeteve të vogla.

1920 hektarë tokë janë të mbuluara nga uji.

Në njësinë administrative Ana e Malit janë përmbytur 1100 tokë, ndërsa në fshatin Obot nuk mund të kalohet me mjete të vogla.

Situata paraqitet kritike edhe në rrugën Darragjat-Shirq, e cila është e pakalueshme në një pjesë të saj, duke e bërë kështu lëvizjen e banorëve të zonës shumë të vështirë./CNA.al





Lajmet e fundit nga