LEXO PA REKLAMA!

SHKARKO APP

App Store
Google Play

Monitorim me kamera dhe “ngujim” i ekspertëve/ Ndryshimet në Maturën Shtetërore

23 Maj 2023, 15:09, Sociale CNA

Monitorim me kamera dhe “ngujim” i ekspertëve/ Ndryshimet
Rreth 30 mijë maturantë do t'i nënshtrohen në 1 qershor provimit të parë, të detyruar, që është ai i gjuhës së huaj.

Testimet do të kryhen në salla të mëdha, në korridoret e shkollave dhe në palestra. Nxënësit do të vëzhgohen nga administratorë të shumtë në numër dhe në disa raste do të jenë edhe të monitoruara me kamera.

Po ashtu këtë vit do të rikthehet edhe metoda e ngujimit për ekspertët që do të përzgjedhin pyetjet që do të përmbajnë testet e maturës shtetërore, ndërkohë që për herë të parë për nxënësit me aftësi ndryshe do të ketë një test të posaçëm.

Për herë të parë këtë vit maturantët do të kenë mundësi të kërkojnë rikorrigjim të testit nëse ata kanë pretendime për notën.

Për maturantët që do të duan të vazhdojnë mjekësinë, këtë vit veç 4 provimeve, 3 të detyruar dhe një me zgjedhje do të realizojnë dhe një tjetër testim të automatizuar, me pyetje mbi biologjinë, kiminë dhe fizikën.

Përgjigjet e këtij testimi do të jepen në mënyrë të menjëherëshme dhe ato do të zënë 30% të rezultatit total, të kandidatit për degën e mjekësisë./Euronews Albania

 

 

Lajmet e fundit nga