web counter
LEXO PA REKLAMA!

SHKARKO APP

App Store
Google Play

E fundit!

x

Dhuna në familje/ Sociologia Tanellari: Gjithmonë prezente, janë rritur denoncimet

28 Janar 2024, 14:29, Sociale CNA

Dhuna në familje/ Sociologia Tanellari: Gjithmonë prezente, janë

Dhuna në familje ka qenë vazhdimisht një fenomen shqetësues në familjet shqiptare, ndërsa së fundmi, shohim një rritje të denoncimeve.

Sociologia Doralda Tanellari, në një intervistë për CNA TV, shprehet se dhuna ka qenë gjithmonë prezente, por së fundmi gratë, të cilat bien më shpesh pre e dhunës, po gjejnë guximin për të denoncuar dhe për t'u larguar nga dhunuesit.

“Shoqëria shqiptare duke qenë një shoqëri patriarkale gjithmonë ka menduar se gruaja, nëna, vajza është pronë e burrit, babait e partnerit dhe shpesh ata kanë vendosur dorën e tyre, mentalitetin e tyre mbi këto gra dhe vajza duke thënë se ajo çfarë ata mendojnë është ajo që duhet të ndodhë. Duhet t’i japim një rëndësi të madhe mënyrës se si familja sot ka ndryshuar, koncepti i familjes dhe liria e gruas për të zgjedhur dhe për t’i thënë jo në kohë një personi që është abuzues. Personat të cilët dhunojnë duhet të kenë një skedë, të jenë të përcaktuar apo të vendosur në një regjistër.”

Megjithëse faktori ekonomik gjithmonë është vlerësuar si një prej faktorëve kryesorë që prodhon dhunë, sipas Tanellarit tashmë situatat janë më komplekse dhe nuk mund të flasim vetëm për një faktor.

“Më parë kur kemi analizuar, kemi thënë që ekonomia ka qenë një nga faktorët kryesorë që kanë çuar në rastet e konflikteve. Sot rastet janë akoma më komplekse. Dhuna duket sikur është më e dëmshme dhe më ekstreme kundër individit. Sot sheh që dhuna bëhet nëpërmjet mediave online, rrjeteve sociale, ti dhunën psikologjike nuk e konstaton dot deri në momentin që të vjen e të denoncon që ka dhunë psikologjike. Shoqëria nuk e kupton se dhunë është edhe të bullizosh apo të etiketosh dikë. Duhet marrja e masave psikologjike. Ka të bëjë edhe kultura shqiptare, sepse nuk ka ndryshuar nga sot, nesër. Shpesh është paragjykimi që personat e arsimuar nuk dhunojnë. E dëgjojmë shpesh këte dhe mua më duket shume abuzive. Dhuna nuk njeh arsim apo kulturë.”

Së fundmi Policia e Shtetit vetëm brenda një dite ka njoftuar parandalimin e disa ngjarjeve kriminale brenda familjes. Sociologët dhe psikologët bëjnë apel për të denoncuar çdo rast dhune në kohë./ CNA





Lajmet e fundit nga