web counter
LEXO PA REKLAMA!

SHKARKO APP

App Store
Google Play

E fundit!

x

U përdhunua për 8 vite rresht/ Rrëfimi tronditës i vajzës: Abuzuesit më kërcënojnë me jetë

23 Janar 2024, 15:17, Sociale CNA
U përdhunua për 8 vite rresht/ Rrëfimi tronditës i
Foto ilustruese

Një vajzë me emrin Sara ka treguar në një emison televiziv historinë e saj të trishtë të jetës që nis me përdhunim që në moshën 13-vjeçare. Ajo tregon se disa persona kanë abuzuar me të për 8 vite rresht. 

“Ndodhte nëpër makina, hotele, ferra, ku të ishin… Shoqet e mia më shihnin shenjat, nuk e morën kurrë guximin të më pyesin apo të më thoshin a ke nevojë për ndihmë. Ata më thoshin po tregove gjë, do të të vrasim”, tregon ajo. 

Për shkak të kërcënimeve të vazhdueshme, Sara nuk e mori dot guximin të denonconte autorët.

“Kam tentuar të largohem, kur ata kryenin aktin makabër, unë i godisja dhe ofendoja. Por, mora guximin për të ikur 2 vite më vonë. Doja të nisja një jetë të re, por ishte e pamundur. Nuk i shkova dot deri në fund, nuk i denoncova dot. Frika më e madhe ishte se ata nuk vepronin vetëm”, tha ajo. 

Edhe pse më vonë nisi një jetë të re dhe u largua nga abuzuesit, ajo tha se ra sërish pre e përdhunimeve nga ku erdhi edhe një fëmijë. 

“Më pas u abuzova prapë, solla në jetë një fëmijë. Vendosa ta mbaja fëmijën. E denoncova dhe personi që abuzoi me mua, bëri vetëm dy vite burg. Po e rris e vetme fëmijën. Kushtet ekonomike nuk i kam, pa punë jam. Shpesh, fëmijës i mungojnë gjërat elementare”, tregon ajo. 

Sara u bën thirrje të gjithë shqiptarëve që të ndihmojë atë dhe vajzën e saj të mitur, pasi ndodhen në gjendje shumë të vështirë ekonomike. Ajo kërkon edhe nga autoritetet që të nisin hetimet për denoncimet e bëra për abuzuesit. 

“Ka raste që flemë pa ngrënë. Kërkoj që shteti të na mbrojë mua dhe fëmijën tim nga këta persona. Kam që në korrik që marr mesazhe kërcënuese. Më kanë thënë ‘e dimë shumë mirë ku ndodhesh, nëse i bën publike këto mesazhe, do të të çojmë në Holandë dhe do marrim 300 mijë euro'. I kam çuar letrat në Prokurori dhe më kanë sjellë letër për mosfillimin e çështjes, pasi për prokuroren këto nuk janë kërcënime”, u shpreh ajo./CNA 

 

 





Lajmet e fundit nga